sarae

larazte kāñpte kamzor būḌhe sūraj kā

lahū bahā chukā qazzāq-e-āfrīda-e-shab

na.ī navelī suhāgan kī maañg kī mānind

siyāh jhiil ke paanī meñ surḳh surḳh lakīr

tamām kashtiyāñ sāhil kī samt lauT ga.iiñ

vo duur chand gharoñdoñ kī chhoTī sī bastī

basī huī hai jo ḳhushbū-e-māhī-o-mai meñ

abhī abhī ye añdheroñ meñ Duub jā.egī

parinde apne baseroñ kī samt uḌ bhī ga.e

na bāñsurī hai na bheḌeñ haiñ aur na charvāhe

ghanī ghanī sī udāsī thakī thakī sī ye shaam

zarā zarā sā ujālā hai ab bhī lauT chaleñ

isī chaTān pe kal koī aur baiThā thā

isī chaTān pe kal koī aur baiThegā

larazte kanpte kamzor buDhe suraj ka

lahu baha chuka qazzaq-e-afrida-e-shab

nai naweli suhagan ki mang ki manind

siyah jhil ke pani mein surKH surKH lakir

tamam kashtiyan sahil ki samt lauT gain

wo dur chand gharondon ki chhoTi si basti

basi hui hai jo KHushbu-e-mahi-o-mai mein

abhi abhi ye andheron mein Dub jaegi

parinde apne baseron ki samt uD bhi gae

na bansuri hai na bheDen hain aur na charwahe

ghani ghani si udasi thaki thaki si ye sham

zara zara sa ujala hai ab bhi lauT chalen

isi chaTan pe kal koi aur baiTha tha

isi chaTan pe kal koi aur baiThega