sarapa

dāmān-e-gul qabā-e-sabā chehra-e-sahar

haiñ musta.ār jis se ye saare tasavvurāt

vo shaḳhs mere man kā mire zehn kā jamāl

vo shaḳhs merī jān-e-ġhazal jān-e-fikr-o-fan

sheroñ meñ us ke husn kī tahdāriyoñ kā aks

har gosha-e-nigāh dhanak-rang ik jahāñ

jaise shafaq fazā-e-suḳhan par muhīt ho

jaise kiran ubharte hue māhtāb kī

dāman meñ harf harf hai sahbā liye hue

ḳhushbū kā raushnī kā sarāpā liye hue

daman-e-gul qaba-e-saba chehra-e-sahar

hain mustaar jis se ye sare tasawwuraat

wo shaKHs mere man ka mere zehn ka jamal

wo shaKHs meri jaan-e-ghazal jaan-e-fikr-o-fan

sheron mein us ke husn ki tahdariyon ka aks

har gosha-e-nigah dhanak-rang ek jahan

jaise shafaq faza-e-suKHan par muhit ho

jaise kiran ubharte hue mahtab ki

daman mein harf harf hai sahba liye hue

KHushbu ka raushni ka sarapa liye hue