sarhad-par ka ek KHat paDh kar

davā kī shīshī meñ

sūraj

udaas kamre meñ chāñd

ukhaḌtī sāñsoñ meñ rah rah ke

ek naam kī gūñj....!

tumhāre ḳhat ko ka.ī baar paḌh chukā huuñ maiñ

koī faqīr khaḌā giḌgiḌā rahā thā abhī

binā uThe use dhutkār kar bhagā bhī chukā

galī meñ khel rahā thā paḌos kā bachcha

bulā kar paas use maar kar rulā bhī chukā

bas ek āḳhirī cigarette bachā thā packet meñ

use bhī phūñk chukā

ghis chukā

bujhā bhī chukā

na jaane vaqt hai kyā duur tak hai sannāTā

faqat muñDer ke pinjre meñ ūñghtā panchhī

kabhī kabhī yūñhī panje chillāne lagtā hai

phir apne-āp hī

daane uThāne lagtā hai

tumhāre ḳhat ko.....

dawa ki shishi mein

suraj

udas kamre mein chand

ukhaDti sanson mein rah rah ke

ek nam ki gunj!

tumhaare KHat ko kai bar paDh chuka hun main

koi faqir khaDa giDgiDa raha tha abhi

bina uThe use dhutkar kar bhaga bhi chuka

gali mein khel raha tha paDos ka bachcha

bula kar pas use mar kar rula bhi chuka

bas ek aaKHiri cigarette bacha tha packet mein

use bhi phunk chuka

ghis chuka

bujha bhi chuka

na jaane waqt hai kya dur tak hai sannaTa

faqat munDer ke pinjre mein unghta panchhi

kabhi kabhi yunhi panje chillane lagta hai

phir apne-ap hi

dane uThane lagta hai

tumhaare KHat ko