sarkash

baaz kī tarah jhapTā vo barham farishta

us ke bāloñ ko muTThī meñ jakḌe hue us se bolā

maiñ tumhārā farishta huuñ sun lo

apne saare farā.ez tum anjām doge

merī marzī hai ye

siyah-kāroñ ġharīboñ ahmaqoñ se

hamesha pyaar karnā tum hamesha pyaar karnā

taaki jab aa.eñ insāniyat ke masīhā

fat.h kā surḳh qālīn un ke liye

apne aḳhlāq se tum buno

is se pahle ki tum ḳhud se bezār ho

us kī azmat se dil ko munavvar karo

auj-e-ishrat hai ye auj-e-ishrat hai ye

der-pā der-pā der-pā der-pā

dars-e-ulfat

dil dhaḌakne se hichkichā.e

sūrat-e-do-disā ye gurezāñ

niilī tārīkiyoñ se shagufta

qahqahe mārtī maiñ jo niklī

mere ḳhvāboñ ke bedār chehre

saare sāhil pe nauha-ḳhvāñ haiñ

baz ki tarah jhapTa wo barham farishta

us ke baalon ko muTThi mein jakDe hue us se bola

main tumhaara farishta hun sun lo

apne sare faraez tum anjam doge

meri marzi hai ye

siyah-karon gharibon ahmaqon se

hamesha pyar karna tum hamesha pyar karna

taki jab aaen insaniyat ke masiha

fath ka surKH qalin un ke liye

apne aKHlaq se tum buno

is se pahle ki tum KHud se bezar ho

us ki azmat se dil ko munawwar karo

auj-e-ishrat hai ye auj-e-ishrat hai ye

der-pa der-pa der-pa der-pa

dars-e-ulfat

dil dhaDakne se hichkichae

surat-e-do-disa ye gurezan

nili tarikiyon se shagufta

qahqahe marti main jo nikli

mere KHwabon ke bedar chehre

sare sahil pe nauha-KHwan hain