sarsarahaT

yahāñ in silvaToñ par haath rakh duuñ

ye lahreñ haiñ bahī jaatī haiñ aur mujh ko bahātī haiñ

ye mauj-e-bāda haiñ sāġhar kī ḳhvābīda-fazā dil meñ

achānak jaag uThtī hai

haqīqat ke jahāñ se koī is duniyā meñ dar aa.e

to us ke hoñT mutabassim hoñ shāyad qahqaha uTh kar

mire dil ko jakaḌ le apne hāthoñ se

magar maiñ ye samajhtā huuñ ki ye lahreñ abhī tak sāhilī manzar se nā-vāqif haiñ yūñhī ik bahānā kar rahī haiñ ik bahāna kis ko kahte haiñ

bahāne hī bahāne haiñ

baḌhā kar rakh diyā lahroñ pe maiñ ne haath mirā haath ik kashtī kī mānind ek mauj-e-tund

kī uftād ke jalve ko mire sāmne lā kar huā hai gum

ye sab mauj-e-taḳhayyul kī ravānī thī

magar maiñ sochtā huuñ baat jo kahne kī thī maiñ ne na kyuuñ pahle hī kah dī vaqt kā

be-fā.eda masraf

har ik poshīda manzar ko

ugal Dālegā ik lamha vo aa.egā

ki jab is baat ke sunñe pe sunñe vaale socheñge

bahāna kyā thā silvaT kyā thī mauj-e-bāda bhī kyā thī

magar shab kī añdherī ḳhalvat-e-gumnām ke parde meñ kho kar un ko ye mālūm ho jā.egā ik pal meñ

aur ik lazzat ke kaif-e-muḳhtasar meñ kho ke vo be-sāḳhta ye baat kah uTTheñge kyā

mujh ko ijāzat hai

yahāñ in silvaToñ par haath rakh duuñ ye jhijak kaisī

ye lahreñ haiñ inheñ nisbat hai kaalī raat ke ġhamnāk dariyā se

jo bahtā hī chalā jaatā hai ruktā hī nahīñ pal ko

jise kuchh bhī ġharaz is se nahīñ maiñ haath rakkhūñ yā jhijak us haath ko mere

kaleje se lagā de aur maiñ so jā.ūñ in lahroñ ke bistar meñ

kaleje se lagā de aur maiñ so jā.ūñ in lahroñ ke bistar meñ

yahan in silwaTon par hath rakh dun

ye lahren hain bahi jati hain aur mujh ko bahati hain

ye mauj-e-baada hain saghar ki KHwabida-faza dil mein

achanak jag uThti hai

haqiqat ke jahan se koi is duniya mein dar aae

to us ke honT mutabassim hon shayad qahqaha uTh kar

mere dil ko jakaD le apne hathon se

magar main ye samajhta hun ki ye lahren abhi tak sahili manzar se na-waqif hain yunhi ek bahana kar rahi hain ek bahana kis ko kahte hain

bahane hi bahane hain

baDha kar rakh diya lahron pe main ne hath mera hath ek kashti ki manind ek mauj-e-tund

ki uftad ke jalwe ko mere samne la kar hua hai gum

ye sab mauj-e-taKHayyul ki rawani thi

magar main sochta hun baat jo kahne ki thi main ne na kyun pahle hi kah di waqt ka

be-faeda masraf

har ek poshida manzar ko

ugal Dalega ek lamha wo aaega

ki jab is baat ke sunne pe sunne wale sochenge

bahana kya tha silwaT kya thi mauj-e-baada bhi kya thi

magar shab ki andheri KHalwat-e-gumnam ke parde mein kho kar un ko ye malum ho jaega ek pal mein

aur ek lazzat ke kaif-e-muKHtasar mein kho ke wo be-saKHta ye baat kah uTThenge kya

mujh ko ijazat hai

yahan in silwaTon par hath rakh dun ye jhijak kaisi

ye lahren hain inhen nisbat hai kali raat ke ghamnak dariya se

jo bahta hi chala jata hai rukta hi nahin pal ko

jise kuchh bhi gharaz is se nahin main hath rakkhun ya jhijak us hath ko mere

kaleje se laga de aur main so jaun in lahron ke bistar mein

kaleje se laga de aur main so jaun in lahron ke bistar mein