sarshaari

nasha-e-fikr se sarshār thī shaam

phir bahā-e-shab-e-dījūr na pūchh

dil-e-ranjūr na pūchh

chashm-e-be-ḳhvāb meñ ḳhvāboñ kī bahār

ya.anī nādīda bahāroñ ke chaman

kitne nā-rusta gulāboñ kī phaban

dasht-e-imkān meñ nā-gufta suḳhan

kitne kābūs ke shab-ḳhūñ

shab-e-dījūr na pūchh

dil-e-ranjūr na pūchh

dard thā dard kī lazzat dil-e-betāb bhī thā

nam the dāmān-o-girebāñ sar-e-bālīñ nam thā

kyā sabab thā ki zabāñ harf-o-bayāñ the maflūj

bevgī-e-sar-e-qirtās kā aalam mat pūchh

bebasī saut-o-sadā kī shab-e-dījūr na pūchh

dil-e-ranjūr na pūchh

vaqt aisā bhī paḌā fasl-e-junūñ bhī aa.ī

fāsle miT ga.e dāman se garebāñ lipTā

ḳhosha-e-fikr kī surḳhī sar-e-mizhgāñ chhalkī

raqs meñ saarā jahāñ thā

shab-e-dījūr na pūchh

dil-e-ranjūr na pūchh

nasha-e-fikr se sarshaar thi sham

phir baha-e-shab-e-dijur na puchh

dil-e-ranjur na puchh

chashm-e-be-KHwab mein KHwabon ki bahaar

yani nadida bahaaron ke chaman

kitne na-rusta gulabon ki phaban

dasht-e-imkan mein na-gufta suKHan

kitne kabus ke shab-KHun

shab-e-dijur na puchh

dil-e-ranjur na puchh

dard tha dard ki lazzat dil-e-betab bhi tha

nam the daman-o-gireban sar-e-baalin nam tha

kya sabab tha ki zaban harf-o-bayan the mafluj

bewgi-e-sar-e-qirtas ka aalam mat puchh

bebasi saut-o-sada ki shab-e-dijur na puchh

dil-e-ranjur na puchh

waqt aisa bhi paDa fasl-e-junun bhi aai

fasle miT gae daman se gareban lipTa

KHosha-e-fikr ki surKHi sar-e-mizhgan chhalki

raqs mein sara jahan tha

shab-e-dijur na puchh

dil-e-ranjur na puchh