saughat

nazm kaun likhtā hai

vo jo malāl meñ mubtalā hai

yā vo jo jashn manānā bhuul gayā

hamāre paas tumhārī dī huī sauġhāt hai

barsoñ purānī

ham ne use purāne sāmān ke saath saiñt ke rakkhā hai

dūsroñ kī nazroñ se chhupā kar

koī dekhegā

nahīñ koī nahīñ

ham jānte haiñ

agar ham nahīñ bhī jānte phir bhī

ye to ḳhufiya vārdāt hai

ye vo nahīñ hai

jaise tum kuuḌe ke Dher se uThā lo

chand roTī ke TukḌoñ ke liye

malāl kī kitnī qismeñ haiñ

ginoge to ginte rah jāoge

ham jis ābādī meñ rahte haiñ

ye vahāñ kī pahchān hai

use ham ne apne bachchoñ kī pahuñch se duur rakhne kī puurī koshish kī

ye soch kar ki vo kyā socheñge

kis thālī meñ khā.eñ

nazm kaun likhta hai

wo jo malal mein mubtala hai

ya wo jo jashn manana bhul gaya

hamare pas tumhaari di hui saughat hai

barson purani

hum ne use purane saman ke sath saint ke rakkha hai

dusron ki nazron se chhupa kar

koi dekhega

nahin koi nahin

hum jaante hain

agar hum nahin bhi jaante phir bhi

ye to KHufiya wardat hai

ye wo nahin hai

jaise tum kuDe ke Dher se uTha lo

chand roTi ke TukDon ke liye

malal ki kitni qismen hain

ginoge to ginte rah jaoge

hum jis aabaadi mein rahte hain

ye wahan ki pahchan hai

use hum ne apne bachchon ki pahunch se dur rakhne ki puri koshish ki

ye soch kar ki wo kya sochenge

kis thaali mein khaen