سوال ماضی و حال

میرا بچپن بھی خوب بچپن تھا

میری دنیا بھی خوب صورت تھی

دل میں دہشت تھی کوئی اور نہ خوف

دوستوں میں بڑی محبت تھی

دیکھتے دیکھتے جوان ہوا

اور دنیا بدل گئی میری

پیار کے جس پہ پھول کھلتے تھے

وہ حسیں شاخ جل گئی میری

آج عالم نہ پوچھئے مجھ سے

ہر طرف ایک خوف طاری ہے

پیار کا گلستاں تھا جو بھارت

اس میں نفرت کی جنگ جاری ہے

عید ہوتی تو ہے بروز عید

عید کی سی خوشی نہیں ہوتی

دیپ جلتے تو ہیں دوالی کے

پیار کی روشنی نہیں ہوتی

پھر انہیں ساعتوں کو لوٹا دے

اے خدا وند اے مرے معبود

پھر یہ ہنگامہ اے خدا کیا ہے

جب کہ تجھ بن نہیں کوئی موجود