scape-ism

chal ki sad-chāk-e-garebāñ vahāñ ho aate haiñ

ye jo hañgāma-e-hastī hai zarā der ko chhoḌ

ek be-ant masāfat ke udhar baiThte haiñ

yaad karte haiñ parī-ḳhānoñ kī talḳhābī ko

apnī āzurda tamannāoñ pe ro lete haiñ

gard meñ rakkhe hue ashk fasurda chehre

ga.e vaqtoñ kā tazabzub na.e vaqtoñ kā azaab

aa ki shānoñ se girā aate haiñ us paar kahīñ

is se pahle ki yahāñ sail-e-fanā aa nikle

naam letā huā donoñ kā usī shor ke biich

vaqt ke paar jahāñ-zād kī dahlīz ke saath

ashk rote haiñ masāfat kā bharam rakhte haiñ

chal ki sad-chāk-e-garebāñ vahāñ ho aate haiñ

chal ki sad-chaak-e-gareban wahan ho aate hain

ye jo hangama-e-hasti hai zara der ko chhoD

ek be-ant masafat ke udhar baiThte hain

yaad karte hain pari-KHanon ki talKHabi ko

apni aazurda tamannaon pe ro lete hain

gard mein rakkhe hue ashk fasurda chehre

gae waqton ka tazabzub nae waqton ka azab

aa ki shanon se gira aate hain us par kahin

is se pahle ki yahan sail-e-fana aa nikle

nam leta hua donon ka usi shor ke bich

waqt ke par jahan-zad ki dahliz ke sath

ashk rote hain masafat ka bharam rakhte hain

chal ki sad-chaak-e-gareban wahan ho aate hain