school jo hota

jangal meñ schōl jo hotā

kyoñ andhere meñ ye sotā

paḌhte likhte aur samajhte

sher kisī kā ḳhuun na karte

achchhe se paḌh letā bandar

ban jaatā phir ek collector

chyūñTī p h d kar letī

aur college meñ lecture detī

ullū itnā phir na hotā

home-work us kā bhī hotā

saj kar titlī maktab jaatī

aur bhī apnā rutba paatī

aatī jab schōl kī gaaḌī

baiThte saare baarī baarī

yahīñ kahīñ par Tuition hotā

nahīñ zarā bhī tension hotā

billī chūhā aur chhipkalī

aage paḌhne jaatī dillī

hāthī paḌh kar jaan ye jaate

nahīñ ye itnā jism phulāte

koī bantā paḌh kar teacher

koī us se aur bhī behtar

kahāñ ye phir to jangal hotā

sab jangal meñ mangal hotā

jangal mein school jo hota

kyon andhere mein ye sota

paDhte likhte aur samajhte

sher kisi ka KHun na karte

achchhe se paDh leta bandar

ban jata phir ek collector

chyunTi p h d kar leti

aur college mein lecture deti

ullu itna phir na hota

home-work us ka bhi hota

saj kar titli maktab jati

aur bhi apna rutba pati

aati jab school ki gaDi

baiThte sare bari bari

yahin kahin par Tuition hota

nahin zara bhi tension hota

billi chuha aur chhipkali

aage paDhne jati dilli

hathi paDh kar jaan ye jate

nahin ye itna jism phulate

koi banta paDh kar teacher

koi us se aur bhi behtar

kahan ye phir to jangal hota

sab jangal mein mangal hota