sehre ki laDi

mahak phūloñ aur kaliyoñ kī laḌī sehre meñ hai

pyaar ke gulshan kī saarī dilkashī sehre meñ hai

maañ kī mamtā baap kī shafqat buzurgoñ kī duā

aur bahnoñ kī mohabbat thī sajī sehre meñ hai

saare gurūoñ kī hai kirpā saare santoñ kī duā

zindagī meñ kār-āmad rāstī sehre meñ hai

aaj yaktā ho gayā hai pyaar kā husn-o-jamāl

aaj sābit ho gayā hai zindagī sehre meñ hai

ik na.ī āvāz le kar aa gayā hai mālkauñs

ik na.e andāz meñ shiv-ranjinī sehre meñ hai

hai zamīñ kā chāñd kaisā maiñ bhī dekhūñ to zarā

chāñd kī har ik kiran bhī jhāñktī sehre meñ hai

duuje ko apnā banānā dil meñ rakhnā umr-bhar

ye karishma aur ye jādūgarī sehre meñ hai

zindagī-bhar mil ke gā.eñge jise ye donoñ dil

pyaar kī vo mīThī-mīThī rāgnī sehre meñ hai

mahak phulon aur kaliyon ki laDi sehre mein hai

pyar ke gulshan ki sari dilkashi sehre mein hai

man ki mamta bap ki shafqat buzurgon ki dua

aur bahnon ki mohabbat thi saji sehre mein hai

sare guruon ki hai kirpa sare santon ki dua

zindagi mein kar-amad rasti sehre mein hai

aaj yakta ho gaya hai pyar ka husn-o-jamal

aaj sabit ho gaya hai zindagi sehre mein hai

ek nai aawaz le kar aa gaya hai malkauns

ek nae andaz mein shiw-ranjini sehre mein hai

hai zamin ka chand kaisa main bhi dekhun to zara

chand ki har ek kiran bhi jhankti sehre mein hai

duje ko apna banana dil mein rakhna umr-bhar

ye karishma aur ye jadugari sehre mein hai

zindagi-bhar mil ke gaenge jise ye donon dil

pyar ki wo miThi-miThi ragni sehre mein hai