self-portrait

dekhā hai kisī ne use kahīñ

aadhe sar meñ uljhe uljhe ujle baal

sāñvle rañg ke chehre par bhī

ujle bāloñ kā bhauñchāl

us kī sūrat

kabhī kabhī malgajī shaam sī

kabhī sahar nūrānī hai

andhiyāre ujiyāle kī ye sūrat fann-e-lā-fānī hai

peshānī ke ā.īne par mar-miTte lākhoñ ākāsh

dīvānī dīvānī āñkheñ

aur bahut be-sabr nigāheñ

dushT-manoñ ke har patthar meñ

priit aur komaltā kī talāsh

us ke tan par garm kafan aur ThanDī kafanī sajtī hai

sachchā ruup hai pāgal-pan kā behad ajiib hastī hai

mast anek nashoñ meñ us ke sab din aur sab rāteñ

us ke bahke qadam kareñ dhartī ke dil se bāteñ

galī galī meñ chaurāhe par bhiiḌ ho yā ho tanhā.ī

is duniyā ke hosh kar parkhe, nashe meñ us kī bīnā.ī

dekhā hai kisī ne use kahīñ

dekha hai kisi ne use kahin

aadhe sar mein uljhe uljhe ujle baal

sanwle rang ke chehre par bhi

ujle baalon ka bhaunchaal

us ki surat

kabhi kabhi malgaji sham si

kabhi sahar nurani hai

andhiyare ujiyale ki ye surat fann-e-la-fani hai

peshani ke aaine par mar-miTte lakhon aakash

diwani diwani aankhen

aur bahut be-sabr nigahen

dushT-manon ke har patthar mein

prit aur komalta ki talash

us ke tan par garm kafan aur ThanDi kafani sajti hai

sachcha rup hai pagal-pan ka behad ajib hasti hai

mast anek nashon mein us ke sab din aur sab raaten

us ke bahke qadam karen dharti ke dil se baaten

gali gali mein chaurahe par bhiD ho ya ho tanhai

is duniya ke hosh kar parkhe, nashe mein us ki binai

dekha hai kisi ne use kahin