shahkar

utartā jaatā hai rag rag meñ zahr-e-naumīdī

nazar ko miltī hai har samt naqsh naqsh meñ yaas

dil-o-dimāġh kā aalam sukūt se pur hai

vo intihā ki ḳhamoshī kā pahra hai jis par

abhī se kyoñ mirī taqdīr ho ga.ī mujh ko

qadam qadam pe milī zindagī adū ban kar

abhī to mere ḳhayāloñ ko aur ronā thā

siyāh rāh-e-tasavvur pe chhā.ī to lekin

kuchh is tarah ki sitāroñ kī niiñd hī na khulī

tamām raat maiñ dukh kī talāsh kartā rahā

sahar huī to taḳhayyul kī vādiyoñ meñ mujhe

shajar shajar pe na.ī koft ke dhuñdalke mile

mirā nasīb ki phir bhī fuġhāñ na kar paayā

mire ḳhayāl ye kyā hādisa huā āḳhir

zamāna taktā hai hairat se yuuñ mujhe jaise

ik ajnabī se musavvir kā shāhkār huuñ maiñ

utarta jata hai rag rag mein zahr-e-naumidi

nazar ko milti hai har samt naqsh naqsh mein yas

dil-o-dimagh ka aalam sukut se pur hai

wo intiha ki KHamoshi ka pahra hai jis par

abhi se kyon meri taqdir ho gai mujh ko

qadam qadam pe mili zindagi adu ban kar

abhi to mere KHayalon ko aur rona tha

siyah rah-e-tasawwur pe chhai to lekin

kuchh is tarah ki sitaron ki nind hi na khuli

tamam raat main dukh ki talash karta raha

sahar hui to taKHayyul ki wadiyon mein mujhe

shajar shajar pe nai koft ke dhundalke mile

mera nasib ki phir bhi fughan na kar paya

mere KHayal ye kya hadisa hua aaKHir

zamana takta hai hairat se yun mujhe jaise

ek ajnabi se musawwir ka shahkar hun main