shair apni mahbuba se

terī qurbat meñ tere saa.e meñ

chaar din zindagī ke jiinā hai

tere sar kī qasam kabhī khā kar

terī āñkhoñ se pī ke jiinā hai

ishq dushvār hī sahī lekin

mujh ko dushvār kaam karnā hai

dhuup meñ ishq chāñdnī meñ ishq

ishq hī sub.h-o-shām karnā hai

mil ke tujh se ai merī mahbūba

jaane kitnī hī

thoḌī sachchī bhī thoḌī jhūTī bhī

qasmeñ khānī thiiñ

va.ade karne the

par mirī jānāñ

jaise majmūa shaa.e karte samay

pheñk detā thā apnī rachnā.eñ

dil meñ pinhāñ jo ek raddī kī

Tokrī jis meñ paal rakhī thiiñ

aaj tujh se ai merī mahbūba

itnā iz.hār mujh ko karnā hai

kal agar mujh ko thoḌā paisa milā

to likhūñgā

ek kāġhaz ḳharīd kar dil se

teri qurbat mein tere sae mein

chaar din zindagi ke jina hai

tere sar ki qasam kabhi kha kar

teri aankhon se pi ke jina hai

ishq dushwar hi sahi lekin

mujh ko dushwar kaam karna hai

dhup mein ishq chandni mein ishq

ishq hi subh-o-sham karna hai

mil ke tujh se ai meri mahbuba

jaane kitni hi

thoDi sachchi bhi thoDi jhuTi bhi

qasmen khani thin

wade karne the

par meri jaanan

jaise majmua shae karte samay

phenk deta tha apni rachnaen

dil mein pinhan jo ek raddi ki

Tokri jis mein pal rakhi thin

aaj tujh se ai meri mahbuba

itna izhaar mujh ko karna hai

kal agar mujh ko thoDa paisa mila

to likhunga

ek kaghaz KHarid kar dil se