shair

vo pul kī sātvīñ sīḌhī pe baiThā kahtā rahtā thā

kisī thaile meñ bhar ke gar ḳhayāl apne

maiñ darvāze pe harkāre kī sūrat jā ke pahuñchātā

chamaktī būñdeñ bārish kī kisī kī jeb meñ bhar ke

gale meñ bādaloñ kā ek muflar Daal kar aatā

vo bhīgā bhīgā sā rahtā

kisī ke kaan meñ do bāliyoñ se chāñd pahnātā

machheroñ kī koī laḌkī agar miltī

garajte bādaloñ ko bāñdh kar bāloñ ke joḌe meñ

dhanak kī biinī de aatā

mujhe gar kahkashāñ ko bāñTne kā haq diyā hotā ḳhudā ne to

koī fōtpath se bolā

ai aulād shā.ir kī

bahut khaa.ī haiñ rūkhī roTiyāñ maiñ ne

jo lā saktā hai to ik baar kuchh sālan hī lā kar de

wo pul ki satwin siDhi pe baiTha kahta rahta tha

kisi thaile mein bhar ke gar KHayal apne

main darwaze pe harkare ki surat ja ke pahunchata

chamakti bunden barish ki kisi ki jeb mein bhar ke

gale mein baadalon ka ek muflar Dal kar aata

wo bhiga bhiga sa rahta

kisi ke kan mein do baaliyon se chand pahnata

machheron ki koi laDki agar milti

garajte baadalon ko bandh kar baalon ke joDe mein

dhanak ki bini de aata

mujhe gar kahkashan ko banTne ka haq diya hota KHuda ne to

koi footpath se bola

ai aulad shair ki

bahut khai hain rukhi roTiyan main ne

jo la sakta hai to ek bar kuchh salan hi la kar de