sham

mast ghaTā mañDlā.ī huī hai

baaġh pe mastī chhā.ī huī hai

jhuum rahī haiñ aam kī shāḳheñ

niiñd sī jaise aa.ī huī hai

boltā hai rah rah ke papīhā

barq sī ik lahrā.ī huī hai

lahke hue haiñ phuul shafaq ke

ātish-e-tar chhalkāī huī hai

sher mire ban ban ke huvaidā

qaus kī har añgḌā.ī huī hai

reñgte haiñ ḳhāmosh tarāne

mauj-e-havā bal khaa.ī huī hai

raunaq-e-ālam sar hai jhukā.e

jaise dulhan sharmā.ī huī hai

ghaas pe gum-sum baiThā hai 'kaifī'

yaad kisī kī aa.ī huī hai

mast ghaTa manDlai hui hai

bagh pe masti chhai hui hai

jhum rahi hain aam ki shaKHen

nind si jaise aai hui hai

bolta hai rah rah ke papiha

barq si ek lahrai hui hai

lahke hue hain phul shafaq ke

aatish-e-tar chhalkai hui hai

sher mere ban ban ke huwaida

qaus ki har angDai hui hai

rengte hain KHamosh tarane

mauj-e-hawa bal khai hui hai

raunaq-e-alam sar hai jhukae

jaise dulhan sharmai hui hai

ghas pe gum-sum baiTha hai 'kaifi'

yaad kisi ki aai hui hai