sham ki dua

shaam huī aur sūraj Duubā

raat ne apnā ḳhema Daalā

dhuup kahāñ ab hai añdhiyārā

samāñ hai ThanDā pyārā pyārā

din bhar ḳhuub paḌhe aur khele

dekhe is duniyā ke mele

yaad karo sab din kī bāteñ

kyā kyā kaam kiye the din meñ

kis ko maarā kis ko luuTā

laḌne meñ kis kā sar phūTā

kaam kiyā hai nek bhī koī

tum ne duā lī ek bhī koī

nek agar kuchh kaam kiyā hai

to samjho ye din achchhā hai

māñgo apne rab se duā.eñ

yā-rab sar se Taal balā.eñ

shaam savere kā tū mālik

aur añdhere kā tū mālik

sub.h bhī tujh se shaam bhī tujh se

hai in kā anjām bhī tujh se

jaise din rāhat se guzrā

guzre yuuñ hī raat bhī maulā

naam tirā maiñ le kar jāgūñ

khā.ūñ piyūñ aur dauḌūñ bhāgūñ

khelūñ kūdūñ aur paḌhūñ maiñ

shaad rahūñ ābād rahūñ maiñ

sham hui aur suraj Duba

raat ne apna KHema Dala

dhup kahan ab hai andhiyara

saman hai ThanDa pyara pyara

din bhar KHub paDhe aur khele

dekhe is duniya ke mele

yaad karo sab din ki baaten

kya kya kaam kiye the din mein

kis ko mara kis ko luTa

laDne mein kis ka sar phuTa

kaam kiya hai nek bhi koi

tum ne dua li ek bhi koi

nek agar kuchh kaam kiya hai

to samjho ye din achchha hai

mango apne rab se duaen

ya-rab sar se Tal balaen

sham sawere ka tu malik

aur andhere ka tu malik

subh bhi tujh se sham bhi tujh se

hai in ka anjam bhi tujh se

jaise din rahat se guzra

guzre yun hi raat bhi maula

nam tera main le kar jagun

khaun piyun aur dauDun bhagun

khelun kudun aur paDhun main

shad rahun aabaad rahun main