sham se ta-ba-sahar kitne sitare TuTe

kitnī zau-pāsh umīdoñ ke sahāre chhoTe

chāñd ik mast sharābī kī tarah vārafta

kohar kī dhuñd meñ chaltā rahā girtā paḌtā

dasht-e-tanhā.ī meñ uThte rahe ḳhush-rañg sarāb

rañg kī lahroñ pe khilte rahe nasrīn-o-gulāb

sarv ke saa.e meñ uljhe hue anfās ke raag

māzī-o-hāl ke sañgam pe chalāte rahe aag

pahle ik aag lagī aag phir ik yaad banī

yaad ashkoñ meñ nahā kar tire paikar meñ Dhalī

marmarīñ paikar-e-andāz ba-ḳhvāb-ālūda

jaise ḳhayyām kī taḳh.īl sharāb-ālūda

yak-ba-yak arsh se phir koī sitāra TuuTā

dil laraz uTThā ki ik aur sahārā TuuTā

terī zulfoñ kī tarah Dhal ke kamar tak pahuñchī

raat bal khātī huī bām-e-sahar tak pahuñchī

kitni zau-pash umidon ke sahaare chhoTe

chand ek mast sharabi ki tarah warafta

kohar ki dhund mein chalta raha girta paDta

dasht-e-tanhai mein uThte rahe KHush-rang sarab

rang ki lahron pe khilte rahe nasrin-o-gulab

sarw ke sae mein uljhe hue anfas ke rag

mazi-o-haal ke sangam pe chalate rahe aag

pahle ek aag lagi aag phir ek yaad bani

yaad ashkon mein naha kar tere paikar mein Dhali

marmarin paikar-e-andaz ba-KHwab-aluda

jaise KHayyam ki taKHil sharab-aluda

yak-ba-yak arsh se phir koi sitara TuTa

dil laraz uTTha ki ek aur sahaara TuTa

teri zulfon ki tarah Dhal ke kamar tak pahunchi

raat bal khati hui baam-e-sahar tak pahunchi