shab-e-hijr koi kahan gaya

tujhe yaad hai sabhī jāñ-ba-lab tire rāstoñ meñ khaḌe rahe

ki dam-e-vidā.a tujhe dekh leñ

kahīñ jholiyāñ thiiñ khulī huī

kahīñ chashm chashm ajiib rañgoñ kā raqs thā

koī ḳhvāb thā koī aks thā

tujhe yaad hai to batā mujhe

pas-e-shām-e-shahr havā-e-dahr ko kyā huā

shab-e-hijr koī kahāñ gayā

maiñ uThā jo bistar-e-ḳhvāb se

to koī na thā mire chār-sū

jo batā sake

jo gavāh ho

sar-e-bām kis kī nazar bujhī

pas-e-shām kis kā lahū jalā

tujhe yaad hai sabhi jaan-ba-lab tere raston mein khaDe rahe

ki dam-e-widaa tujhe dekh len

kahin jholiyan thin khuli hui

kahin chashm chashm ajib rangon ka raqs tha

koi KHwab tha koi aks tha

tujhe yaad hai to bata mujhe

pas-e-sham-e-shahr hawa-e-dahr ko kya hua

shab-e-hijr koi kahan gaya

main uTha jo bistar-e-KHwab se

to koi na tha mere chaar-su

jo bata sake

jo gawah ho

sar-e-baam kis ki nazar bujhi

pas-e-sham kis ka lahu jala