shab-e-tanhai

ātish-e-ishq se merī shab-e-tanhā.ī meñ

saa.e ne bhī na diyā saath

mirī jaañ kā vo nārāz rahā

maiñ ne jab aa.ina dekhā to pashemān huā

apnā chehra na nazar aayā mujhe

aa.ine meñ koī vīrāna thā

pyāla gardish meñ thā

mai us meñ nahīñ thī hargiz

maiñ bulātā rahā saaqī ko

pe vo niklā nahīñ mai-ḳhāne se

ḳhas-o-ḳhāshāk huī merī talab

sūrat-e-dūd huā merā junūñ

aa.ina toḌ diyā maiñ ne tabhī

aag us meñ se uThī aisī

ki maiñ jalne lagā

jal ke maiñ raakh huā

mai liye tab vahī saaqī aayā

jis ne fariyād ko merī na sunā thā pahle

ab usī ne chheḌī

raakh merī ki bane piyāla us se

aur us raakh ke pyāle ko vo mai se bhar de

ātish-e-ishq se merī shab-e-tanhā.ī meñ

saa.e ne bhī na diyā saath

vo nārāz rahā

aatish-e-ishq se meri shab-e-tanhai mein

sae ne bhi na diya sath

meri jaan ka wo naraaz raha

main ne jab aaina dekha to pasheman hua

apna chehra na nazar aaya mujhe

aaine mein koi virana tha

pyala gardish mein tha

mai us mein nahin thi hargiz

main bulata raha saqi ko

pe wo nikla nahin mai-KHane se

KHas-o-KHashak hui meri talab

surat-e-dud hua mera junun

aaina toD diya main ne tabhi

aag us mein se uThi aisi

ki main jalne laga

jal ke main rakh hua

mai liye tab wahi saqi aaya

jis ne fariyaad ko meri na suna tha pahle

ab usi ne chheDi

rakh meri ki bane piyala us se

aur us rakh ke pyale ko wo mai se bhar de

aatish-e-ishq se meri shab-e-tanhai mein

sae ne bhi na diya sath

wo naraaz raha