shahr aur zanjir

dard kī raat phir aa ga.ī

mere paañv kī zanjīr phir jaane mujh ko kahāñ le chalegī

kabhī shahr kī nīm-raushan sī vīrān galiyāñ

ḳhamīda sī dīvār ke saa.e saa.e

maiñ paañv meñ kankar chubhotā chalūñgā

kabhī chauḌī chakkī sī bal khātī saḌkoñ kī

hañstī huī raunaqoñ meñ

sulagtī huī ḳhushbuoñ kī junūñ-ḳhez lahroñ ke rele meñ

bebas uḌūñgā

khulī bārk.oñ meñ

daraḳhtoñ ke chamkīle pattoñ pe girtī huī raushnī meñ

kabhī chāñd ke nīlgūñ saa.e meñ baiTh kar

dard ke tez kāñTe nikālūñgā chup-chāp

bujhtī huī raat ke āḳhirī pahar meñ

sone bistar kī Dastī huī nāginoñ par

maiñ bhūke badan ko rulātā rahūñgā

dard ki raat phir aa gai

mere panw ki zanjir phir jaane mujh ko kahan le chalegi

kabhi shahr ki nim-raushan si viran galiyan

KHamida si diwar ke sae sae

main panw mein kankar chubhota chalunga

kabhi chauDi chakki si bal khati saDkon ki

hansti hui raunaqon mein

sulagti hui KHushbuon ki junun-KHez lahron ke rele mein

bebas uDunga

khuli barkon mein

daraKHton ke chamkile patton pe girti hui raushni mein

kabhi chand ke nilgun sae mein baiTh kar

dard ke tez kanTe nikalunga chup-chap

bujhti hui raat ke aaKHiri pahar mein

sone bistar ki Dasti hui naginon par

main bhuke badan ko rulata rahunga