shahr ki galiyan charaghon se bhar gain

raat ke āḳhirī pahar

maiñ ne muqaddas fly kī sarhad pe

paañv rakhā

us ke sabz pairahan kī ḳhushbū

mere istiqbāl ke liye maujūd thī

mere ḳhāk-ālūd ghuTnoñ ne

zamīn kī ḳhushbū-dār naaf ko chhuā

to maiñ ne

apnā malbūs chaak kar Daalā

vo papers ke jañgaloñ ke shumālī kināre pe baiThī

niil ke pāniyoñ ko kaat rahī thī

us ne mere ḳhāk-ālūd chehre ko

niil kā ā.īna dikhāyā

ham mutabarrik tel ke namkīn charāġh hatheliyoñ pe rakhe

shahr-e-panāh kī taraf chal diye

jahāñ devtā

bāryābī ke muntazir the

hamāre qadmoñ kī aahaT pā kar

muqaddas phāTak ke sunahre kivāḌ

zamīn ke āḳhirī kināroñ tak khul ga.e

aur shahar kī itr-bez galiyāñ

hamāre talve chūmne lagīñ

hamāre suroñ pe phaile

āsmān ke safed varaq par

parindoñ ke liye harf imtinā.a likhā thā

ham ḳhudāvand asar kī ziyārat-gāh ke navāh meñ pahuñche

to devtā apnā marqad chhoḌ kar

dahlīz se aa lagā

us ne apne dil ke chhed

narsale kī shāḳh pe kunda kiye

aur apne ḳhūbsūrat lahn kī sīḌhī lagā kar

diloñ meñ utar gayā

siyāh ma.abad ke sunahre kalas ke saa.e meñ

zā.erīn kā mātamī julūs

dar-o-dīvār pe

nauhe tastīr kar rahā thā

mere pahlū meñ khaḌī

sabz-fām aurat ne

mujhe devtā.ī malbūs hadiya kiyā

to maiñ hātif kī bārgāh kī dahlīz se lag kar

apnā qasīda

bheñT karne lagā

muqaddas fly kī tārīk galiyāñ

namkīn charāġhoñ se bhar ga.iiñ

maiñ ne āḳhirī misra

hātif ko daan kiyā

aur sabz aurat kī niilī āñkhoñ meñ

tahsīn kī naqadī talāsh karne lagā

us ne fasloñ pe karam karte haath se

havā meñ tarāzū banāyā

ek palḌe meñ

merā harf-e-hunar rakhā

aur dūsre meñ

apne jamāl kī naqadī

us ke jamāl kā sabz dariyā

mere dāman meñ bahne lagā

raat ke aaKHiri pahar

main ne muqaddas fly ki sarhad pe

panw rakha

us ke sabz pairahan ki KHushbu

mere istiqbaal ke liye maujud thi

mere KHak-alud ghuTnon ne

zamin ki KHushbu-dar naf ko chhua

to main ne

apna malbus chaak kar Dala

wo papers ke jangalon ke shumali kinare pe baiThi

nil ke paniyon ko kat rahi thi

us ne mere KHak-alud chehre ko

nil ka aaina dikhaya

hum mutabarrik tel ke namkin charagh hatheliyon pe rakhe

shahr-e-panah ki taraf chal diye

jahan dewta

baryabi ke muntazir the

hamare qadmon ki aahaT pa kar

muqaddas phaTak ke sunahre kiwaD

zamin ke aaKHiri kinaron tak khul gae

aur shahar ki itr-bez galiyan

hamare talwe chumne lagin

hamare suron pe phaile

aasman ke safed waraq par

parindon ke liye harf imtinaa likha tha

hum KHudawand asar ki ziyarat-gah ke nawah mein pahunche

to dewta apna marqad chhoD kar

dahliz se aa laga

us ne apne dil ke chhed

narsale ki shaKH pe kunda kiye

aur apne KHubsurat lahn ki siDhi laga kar

dilon mein utar gaya

siyah mabad ke sunahre kalas ke sae mein

zaerin ka matami julus

dar-o-diwar pe

nauhe tastir kar raha tha

mere pahlu mein khaDi

sabz-fam aurat ne

mujhe dewtai malbus hadiya kiya

to main hatif ki bargah ki dahliz se lag kar

apna qasida

bhenT karne laga

muqaddas fly ki tarik galiyan

namkin charaghon se bhar gain

main ne aaKHiri misra

hatif ko dan kiya

aur sabz aurat ki nili aankhon mein

tahsin ki naqadi talash karne laga

us ne faslon pe karam karte hath se

hawa mein taraazu banaya

ek palDe mein

mera harf-e-hunar rakha

aur dusre mein

apne jamal ki naqadi

us ke jamal ka sabz dariya

mere daman mein bahne laga