aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bambai

MORE BYAli Sardar Jafri

    sabz-o-shādāb sāhil

    ret ke aur paanī ke giit

    muskurāte samundar sayyāl chehra

    chāñd sūraj ke TukḌe

    lākhoñ ā.īne maujoñ meñ bikhre hue

    kashtiyāñ bādbānoñ ke āñchal meñ apne saroñ ko chhupā.e hue

    jaal niile samundar meñ Duube hue

    ḳhaak par sūkhtī machhliyāñ

    ghāTneñ pattharoñ vo tarshī huī mūrateñ

    elephanta ke ġhāroñ se jo raqs kartī nikal aa.ī haiñ

    rāteñ āñkhoñ meñ jaadū kājal lagā.e hue

    shāmeñ niilī havā namī meñ nahā.ī huī

    sub.heñ shabnam ke bārīk malbūs pahne hue

    ḳhvāb-ālud kohsār ke silsile

    jañgaloñ ke ghane saa.e

    miTTī ḳhushbū

    mahaktī huī koñpleñ

    pattharoñ chaTTāneñ

    apnī bāñhoñ ko bahr-e-arab meñ sameTe hue

    vo chaTānoñ pe rakkhe hue ūñche ūñche mahl

    chiknī dīvāroñ par

    qatl, ġhārat-garī, buzdilī, nafa.a-ḳhorī parchhā.iyāñ

    reshmī sāriyāñ

    maḳhmalīñ jism, zahrīle nāḳhūnoñ billiyāñ

    ḳhuun pyaas khādī ke pairāhanoñ meñ

    jagmagāte hue qumqume, park, bāġhāt aur museum

    sañg-e-marmar ke but, dhaat ke aadmī

    sard o sañgīn azmat ke paikar

    āñkheñ be-nūr, lab be-sadā, haath be-jān

    hind bebasī aur mahkūmī yādgāreñ

    saikḌoñ saal ke garm ātish-kade

    zar o sandal aag

    ūd-o-ambar ke shole

    ''chāleñ'' iflās gard, tārīkiyāñ

    gandagī aur ufūnat

    ghūre saḌte hue

    rahguzāroñ pe sote hue aadmī

    TaaT par, aur kāġhaz ke TukḌoñ pe phaile hue jism, sūkhe hue haath

    zaḳhm āstīnoñ se niklī huī haDDiyāñ

    koḌhiyoñ ke hujūm

    ''kholiyāñ'' jaise andhe kueñ

    garm sīnoñ, mohabbat godoñ se mahrūm bachche

    bakriyoñ tarah rassiyoñ se bañdhe

    un maa.eñ abhī kār-ḳhānoñ se vāpas nahīñ aa.ī haiñ

    chimniyāñ bhutniyoñ tarah baal khole hue

    kār-ḳhāne garajte hue

    ḳhuun aur pasīne meñ sharābor

    ḳhuun sarmāya-dārī ke nāloñ meñ bahtā huā

    bhaTTiyoñ meñ ubaltā huā

    sard sikkoñ sūrat meñ jamtā huā

    sone chāñdī meñ tabdīl hotā huā

    bañk khiḌkiyoñ meñ charāġhāñ

    saḌkeñ din raat chaltī huī

    saañs letī huī

    aadmī ḳhvāhishoñ ke añdhere nasheboñ meñ sailāb tarah bahte hue

    chor-bāzār, saTTā, juārī

    race ke ghoḌe, sarkār ke mantarī

    cinema, laḌkiyāñ, actor, masḳhare

    ek ik chiiz biktī huī

    gājareñ, mūliyāñ, kakḌiyāñ

    jism aur zehn aur shā.erī

    ilm, hikmat, siyāsat

    añkhḌiyoñ aur hoñToñ ke nīlām-ghar

    ārizoñ dukāneñ

    bāzuoñ aur sīnoñ ke bāzār

    piñDliyoñ aur rānoñ ke godām

    desh-bhagtī ke dalāl khādī ke byopārī

    aql, insāf, pākīzgī, aur sadāqat ke tājir

    ye hai hindostāñ urūsul-bilād

    sar-zamīn-e-dakan dulhan bamba.ī

    ek jannat jahannam āġhosh meñ

    ise yuuñ kahūñ

    ek dozaḳh hai firdaus god meñ

    ye mirā shahr hai

    go mirā jism is ḳhāk-dāñ se nahīñ

    merī miTTī yahāñ se bahut duur gañgā ke paanī se gūñdhī ga.ī hai

    mere dil meñ himāla ke phūloñ ḳhushbū basī hai

    phir bhī ai bamba.ī mirā shahr hai

    tere bāġhāt meñ merī yādoñ ke kitne ram-ḳhurda aahū

    maiñ ne tere pahāḌoñ ThanDī havā khaa.ī hai

    terī shaffāf jhīloñ paanī piyā hai

    tere sāhil hañstī huī sīpiyāñ mujh ko pahchāntī haiñ

    nāriyal ke daraḳhtoñ lambī qatāreñ

    tere niile samundar ke tūfān aur qahqahe

    tere dilkash mazāfāt ke sabza-zāroñ ḳhāmoshiyāñ

    rañgateñ, nik.hateñ, sab mujhe jāntī haiñ

    is jagah mere ḳhvāboñ ko āñkheñ milīñ

    aur merī mohabbat ke bosoñ ne apne hasīn hoñT hāsil kiye

    bamba.ī

    tere siine meñ sarmā.e zahr bhī

    inqalāb aur baġhāvat tiryāq bhī

    tere pahlū meñ faulād qalb hai

    terī nabzoñ meñ mazdūr o mallāh ḳhuun hai

    terī āġhosh meñ kār-ḳhānoñ duniyā basī hai

    sevri, lāl-bāġh aur parel

    aur yahāñ tere beTe tirī beTiyāñ

    in dikhtī huī uñgliyāñ

    suut ke ek ik taar se

    mulk ke qātiloñ kafan bun rahī haiñ

    sabz-o-shadab sahil

    ret ke aur pani ke git

    muskuraate samundar ka sayyal chehra

    chand suraj ke TukDe

    lakhon aaine maujon mein bikhre hue

    kashtiyan baadbanon ke aanchal mein apne saron ko chhupae hue

    jal nile samundar mein Dube hue

    KHak par sukhti machhliyan

    ghaTnen pattharon ki wo tarshi hui muraten

    elephanta ke ghaaron se jo raqs karti nikal aai hain

    raaten aankhon mein jadu ka kajal lagae hue

    shamen nili hawa ki nami mein nahai hui

    subhen shabnam ke barik malbus pahne hue

    KHwab-alud kohsar ke silsile

    jangalon ke ghane sae

    miTTi ki KHushbu

    mahakti hui konplen

    pattharon ki chaTTanen

    apni banhon ko bahr-e-arab mein sameTe hue

    wo chaTanon pe rakkhe hue unche unche mahl

    chikni diwaron par

    qatl, ghaarat-gari, buzdili, nafa-KHori ki parchhaiyan

    reshmi sariyan

    maKHmalin jism, zahrile naKHunon ki billiyan

    KHun ki pyas khadi ke pairahanon mein

    jagmagate hue qumqume, park, baghat aur museum

    sang-e-marmar ke but, dhat ke aadmi

    sard o sangin azmat ke paikar

    aankhen be-nur, lab be-sada, hath be-jaan

    hind ki bebasi aur mahkumi ki yaadgaren

    saikDon sal ke garm aatish-kade

    zar o sandal ki aag

    ud-o-ambar ke shole

    chaalen iflas ki gard, tarikiyan

    gandagi aur ufunat

    ghure saDte hue

    rahguzaron pe sote hue aadmi

    TaT par, aur kaghaz ke TukDon pe phaile hue jism, sukhe hue hath

    zaKHm ki aastinon se nikli hui haDDiyan

    koDhiyon ke hujum

    kholiyan jaise andhe kuen

    garm sinon, mohabbat ki godon se mahrum bachche

    bakriyon ki tarah rassiyon se bandhe

    un ki maen abhi kar-KHanon se wapas nahin aai hain

    chimniyan bhutniyon ki tarah baal khole hue

    kar-KHane garajte hue

    KHun ki aur pasine ki bu mein sharabor

    KHun sarmaya-dari ke nalon mein bahta hua

    bhaTTiyon mein ubalta hua

    sard sikkon ki surat mein jamta hua

    sone chandi mein tabdil hota hua

    bank ki khiDkiyon mein charaghan

    saDken din raat chalti hui

    sans leti hui

    aadmi KHwahishon ke andhere nashebon mein sailab ki tarah bahte hue

    chor-bazar, saTTa, juari

    race ke ghoDe, sarkar ke mantari

    cinema, laDkiyan, actor, masKHare

    ek ek chiz bikti hui

    gajaren, muliyan, kakDiyan

    jism aur zehn aur shaeri

    ilm, hikmat, siyasat

    ankhDiyon aur honTon ke nilam-ghar

    aarizon ki dukanen

    bazuon aur sinon ke bazar

    pinDliyon aur ranon ke godam

    desh-bhagti ke dalal khadi ke byopari

    aql, insaf, pakizgi, aur sadaqat ke tajir

    ye hai hindostan ki urusul-bilad

    sar-zamin-e-dakan ki dulhan bambai

    ek jannat jahannam ki aaghosh mein

    ya ise yun kahun

    ek dozaKH hai firdaus ki god mein

    ye mera shahr hai

    go mera jism is KHak-dan se nahin

    meri miTTi yahan se bahut dur ganga ke pani se gundhi gai hai

    mere dil mein himala ke phulon ki KHushbu basi hai

    phir bhi ai bambai tu mera shahr hai

    tere baghat mein meri yaadon ke kitne hi ram-KHurda aahu

    main ne tere pahaDon ki ThanDi hawa khai hai

    teri shaffaf jhilon ka pani piya hai

    tere sahil ki hansti hui sipiyan mujh ko pahchanti hain

    nariyal ke daraKHton ki lambi qataren

    tere nile samundar ke tufan aur qahqahe

    tere dilkash mazafat ke sabza-zaron ki KHamoshiyan

    rangaten, nikhaten, sab mujhe jaanti hain

    is jagah mere KHwabon ko aankhen milin

    aur meri mohabbat ke boson ne apne hasin honT hasil kiye

    bambai

    tere sine mein sarmae ka zahr bhi

    inqalab aur baghawat ka tiryaq bhi

    tere pahlu mein faulad ka qalb hai

    teri nabzon mein mazdur o mallah ka KHun hai

    teri aaghosh mein kar-KHanon ki duniya basi hai

    sewri, lal-bagh aur parel

    aur yahan tere beTe teri beTiyan

    in ki dikhti hui ungliyan

    sut ke ek ek tar se

    mulk ke qatilon ka kafan bun rahi hain

    Source:

    Ek Khvab aur (Pg. 41)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now