shaitanat

kahne ko shahr-yār bhī haiñ

aur shahr bhī

lekin koī makīn

na koī makān hai

jhulse hue daraḳht haiñ

beleñ jalī huiiñ

paude hue haiñ ḳhaak

sūkhī hai pattī pattī to

ujḌe haiñ barg-o-bār

aur saare shahr

lipTe hue haiñ ġhubār meñ

sab haiñ dhuāñ dhuāñ

insāniyat hai sar-nigūñ

jangal kā raaj hai

aur sar uThā.e

siina phulā.e haiñ shahr-yār

goyā ye kah rahe haiñ

ki do kuchh ḳhirāj-bāj

paa.ī haiñ tum ne apne

murādoñ kī kashtiyāñ

ham ne to

apnā va.ada kiyā aap se vafā

ab ham ko milnā chāhiye

is kaam kā sila

taaki ai shahryār

dikhā.eñ ham aap ko

shaitāñ ke khel aur

maz.hab kī aaḌ meñ kareñ

insāniyat kā ḳhuuñ

dahshat-pasand ham ko kaheñ

kis kī hai majāl

kahne ko shahr-yar bhi hain

aur shahr bhi

lekin koi makin

na koi makan hai

jhulse hue daraKHt hain

belen jali huin

paude hue hain KHak

sukhi hai patti patti to

ujDe hain barg-o-bar

aur sare shahr

lipTe hue hain ghubar mein

sab hain dhuan dhuan

insaniyat hai sar-nigun

jangal ka raj hai

aur sar uThae

sina phulae hain shahr-yar

goya ye kah rahe hain

ki do kuchh KHiraj-baj

pai hain tum ne apne

muradon ki kashtiyan

hum ne to

apna wada kiya aap se wafa

ab hum ko milna chahiye

is kaam ka sila

taki ai shahryar

dikhaen hum aap ko

shaitan ke khel aur

mazhab ki aaD mein karen

insaniyat ka KHun

dahshat-pasand hum ko kahen

kis ki hai majal