rind jab jhūmte haiñ nashshe meñ
aur surāhī bhī raqs kartī hai
kahte haiñ hosh kho ke sab mai-kash
rahmat-e-haq yahāñ barastī hai
koī suntā nahīñ ḳhirad kī baat
mai-kade meñ junūñ kī chaltī hai
mausam-e-gul ho abr-e-bārāñ ho
aisī rut ho to piinī paḌtī hai
baat saaqī sunā vo jis se hameñ
zindagī kā shu.ūr aa jaa.e
vajd karne lageñ sab ahl-e-bazm
be-piye hī surūr aa jaa.e
ziist raqsāñ hai ab fazāoñ meñ
ghul ga.ī hai sharāb kī bū-bās
mai-kasho kyā sitam hai aise meñ
mai-kada is qadar udaas udaas
mai-e-gul-gūñ pilā ke ai saaqī
tū mirī tishnagī baḌhātā hai
merī niyyat kabhī nahīñ bhartī
tū to dil khol kar pilātā hai
rind ye kah rahā thā vaa.iz se
kaun hai mujh ko rokne vaalā
mai-kashī chhoḌnā nahīñ mumkin
kaun hai mujh ko Tokne vaalā
kuchh to talchhaT se bhī rahe mahrūm
kuchh ko hāsil hai lutf sāġhar kā
tū ġhalat-baḳhsh to nahīñ saaqī
khel saarā hai ye muqaddar kā
zāhid-e-be-riyā banā hai koī
aur banā koī rind-e-shātir hai
hai tag-o-dau jahāñ meñ jitnī bhī
sirf ik chiiz hī kī ḳhātir hai
rind jab jhumte hain nashshe mein
aur surahi bhi raqs karti hai
kahte hain hosh kho ke sab mai-kash
rahmat-e-haq yahan barasti hai
koi sunta nahin KHirad ki baat
mai-kade mein junun ki chalti hai
mausam-e-gul ho abr-e-baran ho
aisi rut ho to pini paDti hai
baat saqi suna wo jis se hamein
zindagi ka shuur aa jae
wajd karne lagen sab ahl-e-bazm
be-piye hi surur aa jae
zist raqsan hai ab fazaon mein
ghul gai hai sharab ki bu-bas
mai-kasho kya sitam hai aise mein
mai-kada is qadar udas udas
mai-e-gul-gun pila ke ai saqi
tu meri tishnagi baDhata hai
meri niyyat kabhi nahin bharti
tu to dil khol kar pilata hai
rind ye kah raha tha waiz se
kaun hai mujh ko rokne wala
mai-kashi chhoDna nahin mumkin
kaun hai mujh ko Tokne wala
kuchh to talchhaT se bhi rahe mahrum
kuchh ko hasil hai lutf saghar ka
tu ghalat-baKHsh to nahin saqi
khel sara hai ye muqaddar ka
zahid-e-be-riya bana hai koi
aur bana koi rind-e-shatir hai
hai tag-o-dau jahan mein jitni bhi
sirf ek chiz hi ki KHatir hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
