shararat ka maza

rashīda thī yuuñ to baḌī nek laḌkī

magar us meñ ye ek aadat burī thī

vo har chiiz ko chhūtī aur chheḌtī thī

ye baat us kī ghuTTī meñ goyā thī

burā.ī ho ik bhī to kaisī burī hai

bhalā.ī kī rag kāTne ko chhurī hai

kabhī chā.e-dānī kā Dhaknā uThātī

vo ye jhāñk kar dekhtī is meñ kyā hai

kabhī ketlī ko ulaT kar girātī

samajhtī jo dhyān aap kā baT gayā hai

use rokte bhī to ruktī vo kab thī

burī us meñ aadat paḌī ye ajab thī

ye ik din kā hai zikr qissa huā kyā

tipā.ī pe daadī ne ainak ko rakhā

thī nisvār kī bhī vahīñ ek Dibiyā

rashīda ne un donoñ chīzoñ ko taakā

ye sochā ki dekhūñgī chīzeñ ye kyā hai

zarā daadī amaañ haTeñ yaañ se jaa.eñ

ġharaz un ke haTte hī us kī ban i

usī vaqt āñkhoñ pe ainak lagā.ī

vo Dibiyā bhī nisvār kī us ko bhaa.ī

ki rañgīn dhakne meñ thī ḳhush-numā.ī

vo ainak to pahle lagā hī chukī thī

huī fikr Dibiyā ko ab kholne kī

kahā dil meñ mujh se kaheñgī ye daadī

ki beTī na chhūnā ise bhuul kar bhī

magar shukr hai is ghaḌī vo nahīñ haiñ

na abbā na amaañ na aapā kahīñ haiñ

zarā khol kar dekh luuñ is meñ kyā hai

abhī band kar dūñgī phir harj kyā hai

rashīda ne Dibiyā kā Dhaknā jo kholā

to us meñ lagā zor kā ek jhaTkā

havā meñ vo nisvār har samt phailī

rashīda ke chehre pe uḌ uḌ ke i

na āñkheñ na nathune na muñh aur ThoḌī

jagah ek bhī us ne baaqī na chhoḌī

huī naak nisvār se us kī lat-pat

na pūchho banī us ghaḌī us kī kyā gat

vo ghabrā ke har har taraf ḳhuub dauḌī

magar phir bhī chhīñkoñ se fursat na paa.ī

na ārām us ko milā ek pal bhī

na mil paa.ī us ko zarā der kal bhī

vo ghabrā.ī itnī ki ainak ko pheñkā

chalī phir vo paanī se dhone ko chehrā

nihāyat hī nāzuk the ainak ke shīshe

vo girtī hī bas ho ga.e TukḌe TukḌe

milī us ko apne kiye kī sazā ye

ki miltī hai phūTe hiye ki sazā ye

phir itne meñ daadī ko aate jo dekhā

huā haal abtar bahut phir to us kā

rashīda arī tujh ko ye ho gayā kyā

ye daadī ne tevrī chaḌhā kar jo pūchhā

to bas sharm se gaḌ ga.iiñ b rashīda

ajab soch meñ paḌ ga.iiñ b rashīda

rashīda kī hālat huī ġhair dukh se

rahā kaam us ko ḳhushī se na sukh se

kiyā us ne va.ada ye khā khā ke qasmeñ

ki ab bhuul kar bhī na chheḌūñgī chīzeñ

sunā hai ye 'nayyar' ne logoñ kā kahnā

rashīda ne va.ada kiyā apnā puurā

rashida thi yun to baDi nek laDki

magar us mein ye ek aadat buri thi

wo har chiz ko chhuti aur chheDti thi

ye baat us ki ghuTTi mein goya thi

burai ho ek bhi to kaisi buri hai

bhalai ki rag kaTne ko chhuri hai

kabhi chae-dani ka Dhakna uThati

wo ye jhank kar dekhti is mein kya hai

kabhi ketli ko ulaT kar giraati

samajhti jo dhyan aap ka baT gaya hai

use rokte bhi to rukti wo kab thi

buri us mein aadat paDi ye ajab thi

ye ek din ka hai zikr qissa hua kya

tipai pe dadi ne ainak ko rakha

thi niswar ki bhi wahin ek Dibiya

rashida ne un donon chizon ko taka

ye socha ki dekhungi chizen ye kya hai

zara dadi aman haTen yan se jaen

gharaz un ke haTte hi us ki ban i

usi waqt aankhon pe ainak lagai

wo Dibiya bhi niswar ki us ko bhai

ki rangin dhakne mein thi KHush-numai

wo ainak to pahle laga hi chuki thi

hui fikr Dibiya ko ab kholne ki

kaha dil mein mujh se kahengi ye dadi

ki beTi na chhuna ise bhul kar bhi

magar shukr hai is ghaDi wo nahin hain

na abba na aman na aapa kahin hain

zara khol kar dekh lun is mein kya hai

abhi band kar dungi phir harj kya hai

rashida ne Dibiya ka Dhakna jo khola

to us mein laga zor ka ek jhaTka

hawa mein wo niswar har samt phaili

rashida ke chehre pe uD uD ke i

na aankhen na nathune na munh aur ThoDi

jagah ek bhi us ne baqi na chhoDi

hui nak niswar se us ki lat-pat

na puchho bani us ghaDi us ki kya gat

wo ghabra ke har har taraf KHub dauDi

magar phir bhi chhinkon se fursat na pai

na aaram us ko mila ek pal bhi

na mil pai us ko zara der kal bhi

wo ghabrai itni ki ainak ko phenka

chali phir wo pani se dhone ko chehra

nihayat hi nazuk the ainak ke shishe

wo girti hi bas ho gae TukDe TukDe

mili us ko apne kiye ki saza ye

ki milti hai phuTe hiye ki saza ye

phir itne mein dadi ko aate jo dekha

hua haal abtar bahut phir to us ka

rashida ari tujh ko ye ho gaya kya

ye dadi ne tewri chaDha kar jo puchha

to bas sharm se gaD gain b rashida

ajab soch mein paD gain b rashida

rashida ki haalat hui ghair dukh se

raha kaam us ko KHushi se na sukh se

kiya us ne wada ye kha kha ke qasmen

ki ab bhul kar bhi na chheDungi chizen

suna hai ye 'nayyar' ne logon ka kahna

rashida ne wada kiya apna pura