shararti chand

baḌā sharārtī hai ye chāñd bhī

jalānā satānā tarsānā

shauq haiñ is ke

aur lukā-chhipī is kī fitrat

us par himāqat ye

ki nigal jaatā hai

kabhī kabhī sūraj ko bhī

ġhanīmat hai

jo āsmān meñ Thikānā hai is kā

mahfūz hai vahāñ

jo zamīñ par hotā

to kis kis se manātā

apnī ḳhair

baDa shararti hai ye chand bhi

jalana satana tarsana

shauq hain is ke

aur luka-chhipi is ki fitrat

us par himaqat ye

ki nigal jata hai

kabhi kabhi suraj ko bhi

ghanimat hai

jo aasman mein Thikana hai is ka

mahfuz hai wahan

jo zamin par hota

to kis kis se manata

apni KHair