shash-jihat

lamha-e-nau aziim hai

sozish-e-dil hai kyā balā jazb-o-junūñ bhī kuchh nahīñ

sāñjh samāj hech haiñ rishta-e-ḳhūñ bhī kuchh nahīñ

hasrat va aarzū kī nai bandish va bastagī kī lai

damdama-e-qadīm hai

ahd-e-kuhan guzar gayā lamha-e-nau aziim hai

aaj kā sehr be-badal aaj kī lau aziim hai

itr kī ruuh meñ basī asr ke ruup meñ rachī

phūTtī pau aziim hai ye tag-o-dau aziim hai

bahr-e-jadīd auj mauj is meñ guhar haiñ mauj mauj

sat.h-ba-sat.h sab sadaf nuur kī rau aziim hai

taaza tarīn ye jahāñ taaza nujūm va āsmāñ

un kī jhalak judā judā un kā jilau aziim hai

aur hai is kī tāb-o-tab aur hai chaal aur chhab

jo ḳhad-o-ḳhāl hoñ so hoñ aa.ina to aziim hai

lamha-e-nau aziim hai

is meñ riyāsatoñ kā dhan saare nashāt

sab mehan

aish kā dil-o-badan ġhārat-e-zindagī kā fan

ek baTan kā marhala

lamha-e-nau azim hai

sozish-e-dil hai kya bala jazb-o-junun bhi kuchh nahin

sanjh samaj hech hain rishta-e-KHun bhi kuchh nahin

hasrat wa aarzu ki nai bandish wa bastagi ki lai

damdama-e-qadim hai

ahd-e-kuhan guzar gaya lamha-e-nau azim hai

aaj ka sehr be-badal aaj ki lau azim hai

itr ki ruh mein basi asr ke rup mein rachi

phuTti pau azim hai ye tag-o-dau azim hai

bahr-e-jadid auj mauj is mein guhar hain mauj mauj

sath-ba-sath sab sadaf nur ki rau azim hai

taza tarin ye jahan taza nujum wa aasman

un ki jhalak juda juda un ka jilau azim hai

aur hai is ki tab-o-tab aur hai chaal aur chhab

jo KHad-o-KHal hon so hon aaina to azim hai

lamha-e-nau azim hai

is mein riyasaton ka dhan sare nashat

sab mehan

aish ka dil-o-badan ghaarat-e-zindagi ka fan

ek baTan ka marhala