shikast-e-saba

( bhopal ke gas hādse se muta.assir ho kar )

na.ī jihatoñ kī shāḳhoñ par shagūfe

fasīloñ par jabīñ rakh dī sabā ne

shikasta dar pe dastak dī sabā ne

sabā jo raqs ke manzar dikhā.e

sabā jo giit gā gā kar sunā.e

sabā ke ijz ko jaanā hai kis ne

sabā kī barchhiyāñ khaa.ī haiñ kis ne

magar tū dast-e-imkāñ se pare thī

tirā dast-e-hasīñ thā dast-e-qātil

na shab-ḳhūñ se mafar ham ko na tum ko

ram-e-chāra-garāñ kā zikr kaisā

mare lekin na rut aa.ī kafan kī

zamāna hai zamāna chal rahā hai

( bhopal ke gas hadse se mutassir ho kar )

nai jihaton ki shaKHon par shagufe

fasilon par jabin rakh di saba ne

shikasta dar pe dastak di saba ne

saba jo raqs ke manzar dikhae

saba jo git ga ga kar sunae

saba ke ijz ko jaana hai kis ne

saba ki barchhiyan khai hain kis ne

magar tu dast-e-imkan se pare thi

tera dast-e-hasin tha dast-e-qatil

na shab-KHun se mafar hum ko na tum ko

ram-e-chaara-garan ka zikr kaisa

mare lekin na rut aai kafan ki

zamana hai zamana chal raha hai