shimla

log garmī meñ shimle jaate haiñ

ThanDe mausam kā lutf uThāte haiñ

kitnī shaffāf hai fazā is kī

kis qadar saaf hai havā is kī

uudī uudī ghaTā.eñ chhātī haiñ

ThanDī ThanDī havā.eñ aatī haiñ

abhī bādal haiñ aur abhī hai dhuup

dekho qudrat ke ye anokhe ruup

gar safā.ī ke haal ko dekheñ

aap shimle kī mall ko dekheñ

kitnī suthrī hai har dukān yahāñ

kitnā achchhā hai har makān yahāñ

hoTaloñ kī nafāsateñ dekho

koThiyoñ kī imārateñ dekho

sabza vaadī meñ lahlahātā hai

phirne vāloñ kā jī lubhātā hai

ūñche peḌoñ kī hai bahār yahāñ

haiñ khaḌe chiil devdār yahāñ

haiñ bulandī pe har makān se ye

baat karte haiñ āsmān se ye

bādal itne qarīb hote haiñ

pyaar se muñh zamīñ kā dhote haiñ

rāsta gar kahīñ se paate haiñ

band kamroñ meñ bhī ghus aate haiñ

yuuñ to har manzar is kā pyārā hai

raat kā aur hī nazāra hai

jab hoñ bijlī ke qumqume raushan

dekho us vaqt shimle kā joban

qumqume kyā haiñ kuchh sitāre haiñ

āsmāñ ne yahāñ utāre haiñ

sho.ale se uḌte haiñ fazāoñ meñ

sham.eñ āvāra haiñ havāoñ meñ

log garmi mein shimle jate hain

ThanDe mausam ka lutf uThate hain

kitni shaffaf hai faza is ki

kis qadar saf hai hawa is ki

udi udi ghaTaen chhati hain

ThanDi ThanDi hawaen aati hain

abhi baadal hain aur abhi hai dhup

dekho qudrat ke ye anokhe rup

gar safai ke haal ko dekhen

aap shimle ki mall ko dekhen

kitni suthri hai har dukan yahan

kitna achchha hai har makan yahan

hoTalon ki nafasaten dekho

koThiyon ki imaraten dekho

sabza wadi mein lahlahata hai

phirne walon ka ji lubhata hai

unche peDon ki hai bahaar yahan

hain khaDe chil dewdar yahan

hain bulandi pe har makan se ye

baat karte hain aasman se ye

baadal itne qarib hote hain

pyar se munh zamin ka dhote hain

rasta gar kahin se pate hain

band kamron mein bhi ghus aate hain

yun to har manzar is ka pyara hai

raat ka aur hi nazara hai

jab hon bijli ke qumqume raushan

dekho us waqt shimle ka joban

qumqume kya hain kuchh sitare hain

aasman ne yahan utare hain

shoale se uDte hain fazaon mein

shamen aawara hain hawaon mein