sinf-e-nazuk kaha gaya mujhko

rañg-e-kā.enāt kahā gayā mujh ko

āñkhoñ meñ base ḳhvāboñ se

phir mubarrā kiyā gayā mujh ko

zindagī bhar kī jo kamā.ī thī

kuchh jo izzat kahīñ banā.ī thī

chand lafzoñ se kuchh hiqārat se

tahī-dāman kiyā gayā mujh ko

kaarī kar ke sab zamāne meñ

khule sar barahna kiyā gayā mujh ko

husn-e-zan se jo zindagī hai hasīn

rañgoñ se khulī dilkashī hai yahī

sinf-e-nāzuk kī nāzukī hai yahī

us ke ḳhvāboñ ko tā'bīreñ jo milīñ

zindagī ke sab zāviyoñ se pare

rañg-e-gul yūñhī bikhar jā.eñge

dukh sab sukh meñ badal jā.eñge

kaarī na maregī koī bhī naarī

ziist rahegī na us pe bhārī

sinf-e-nāzuk samajh kar na maaro mujh ko

rañg-e-gul huuñ maiñ is gulistāñ kī

ḳhvāboñ kī āñkhoñ meñ maiñ bhī bastī huuñ

zamīn kī god se merā bhī rishta hai

ḳhushbū ban kar ham ne yuuñ bikharnā hai

mānind-e-sahar ḳhud meñ yuuñ ubharnā hai

rañg-e-kā.enāt ban kar har zamāne meñ

ḳhud hī apnī misāl banñā hai

rang-e-kaenat kaha gaya mujh ko

aankhon mein base KHwabon se

phir mubarra kiya gaya mujh ko

zindagi bhar ki jo kamai thi

kuchh jo izzat kahin banai thi

chand lafzon se kuchh hiqarat se

tahi-daman kiya gaya mujh ko

kari kar ke sab zamane mein

khule sar barahna kiya gaya mujh ko

husn-e-zan se jo zindagi hai hasin

rangon se khuli dilkashi hai yahi

sinf-e-nazuk ki nazuki hai yahi

us ke KHwabon ko ta'biren jo milin

zindagi ke sab zawiyon se pare

rang-e-gul yunhi bikhar jaenge

dukh sab sukh mein badal jaenge

kari na maregi koi bhi nari

zist rahegi na us pe bhaari

sinf-e-nazuk samajh kar na maro mujh ko

rang-e-gul hun main is gulistan ki

KHwabon ki aankhon mein main bhi basti hun

zamin ki god se mera bhi rishta hai

KHushbu ban kar hum ne yun bikharna hai

manind-e-sahar KHud mein yun ubharna hai

rang-e-kaenat ban kar har zamane mein

KHud hi apni misal banna hai