sitara so gaya hai
jism ko ḳhvāhish kī dīmak khā rahī hai
nīm-vahshī lazzatoñ kī
TūTtī parchhā.iyāñ
aarzū kī āhanī dīvār se Takrā rahī haiñ
dard ke dariyā kināre
ajnabī yādoñ kī jal-pariyoñ kā
mela sā lagā hai
an-ginat pighle hue
rañgoñ kī chādar tan ga.ī hai
parbatoñ kī choTiyoñ se
reshmī ḳhushbū kī kirneñ phūTtī haiñ
ḳhvāb kī dahlīz suunī ho ga.ī
dhuup ke jañgal meñ sūraj kho gayā hai
bādaloñ kī mailī chādar par
terī āvāz kā
ghā.il sitāra
so gayā hai
jism ko KHwahish ki dimak kha rahi hai
nim-wahshi lazzaton ki
TuTti parchhaiyan
aarzu ki aahani diwar se Takra rahi hain
dard ke dariya kinare
ajnabi yaadon ki jal-pariyon ka
mela sa laga hai
an-ginat pighle hue
rangon ki chadar tan gai hai
parbaton ki choTiyon se
reshmi KHushbu ki kirnen phuTti hain
KHwab ki dahliz suni ho gai
dhup ke jangal mein suraj kho gaya hai
baadalon ki maili chadar par
teri aawaz ka
ghail sitara
so gaya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
