subh-o-sham ki shikast

tum

apne ghar kī taḳhtī se

ab merā naam bhī miTā denā

go e'tibār-e-harf nahīñ

thaam kar asā-e-qalam

zindagī kā nauha likh denā

ki

madrasoñ ke āñgan kī

ek khulī kitāb tum thiiñ

bā-shu.ūr ke liye shuā-e-nau

tabassumoñ kā ruup liye

ye chāhat umr bhar kī kamā.ī thī

āzād maiñ bhī thā badan kī tahoñ tak

tumheñ bhī dhuup kī chubhan jo

dabī ḳhvāhishoñ ko señktī thī

magar tum ne

apne rāstoñ se be-ḳhabar

barsoñ kī riyāzateñ dafn karke

rifāqateñ ḳhatm kar diiñ

azmateñ nīlām

nasleñ be-nām kar diiñ

barahna ḳhvāhishoñ kī suulī pe laTaktā paikar

ġham kī daldal ko baḌhātā hai

be-shumār dariyā kā zā.iqa bhī

halaq tar nahīñ kartā

lahū ke sāhil par

ek ek lamha be-amāñ guzartā hai

yaqīn jaano

dayār-e-fikr meñ koī ham-zabāñ nahīñ

phir bhī maiñ

apne junūñ meñ sābit-qadam huuñ

jāgtī āñkhoñ ko

us ke ghar lauT aane kā intizār rahtā hai

sunā hai

gajar-dam siskiyāñ le kar

añdherā TuuT TuuT jaatā hai

tum

apne ghar ki taKHti se

ab mera nam bhi miTa dena

go e'tibar-e-harf nahin

tham kar asa-e-qalam

zindagi ka nauha likh dena

ki

madrason ke aangan ki

ek khuli kitab tum thin

ba-shuur ke liye shua-e-nau

tabassumon ka rup liye

ye chahat umr bhar ki kamai thi

aazad main bhi tha badan ki tahon tak

tumhein bhi dhup ki chubhan jo

dabi KHwahishon ko senkti thi

magar tum ne

apne raston se be-KHabar

barson ki riyazaten dafn karke

rifaqaten KHatm kar din

azmaten nilam

naslen be-nam kar din

barahna KHwahishon ki suli pe laTakta paikar

gham ki daldal ko baDhata hai

be-shumar dariya ka zaiqa bhi

halaq tar nahin karta

lahu ke sahil par

ek ek lamha be-aman guzarta hai

yaqin jaano

dayar-e-fikr mein koi ham-zaban nahin

phir bhi main

apne junun mein sabit-qadam hun

jagti aankhon ko

us ke ghar lauT aane ka intizar rahta hai

suna hai

gajar-dam siskiyan le kar

andhera TuT TuT jata hai