subhon jaise log

sub.hoñ jaise log bahut achchhe lagte haiñ nā

lagtā hai ki bahut alag haiñ baaqī logoñ se

lekin ummīdoñ ke baa.is vo log bhī aksar ek arse ba.ad kisī aam din kī tarah Dhal ke

nā-ummīdī kī lambī raat ban jaate haiñ

in se behtar to vo log hote haiñ jo ḳhāmosh shāmoñ kī tarah

ummīdeñ nahīñ magar sukūn zarūr dete haiñ

tum aa.e to the ek ḳhāmosh shaam kī tarah

lekin us raat ke ba.ad maiñ ne tum meñ ek sub.h dekhnī shurūa kar dī thī jaane kyuuñ

shāyad aaj bhī tum ek ḳhāmosh shaam hī ho

ye to maiñ huuñ jo tum meñ apnī sub.h DhūñDhne kī nākām koshish meñ hai

kyūñki sub.hoñ jaise log bahut achchhe lagte haiñ nā

subhon jaise log bahut achchhe lagte hain na

lagta hai ki bahut alag hain baqi logon se

lekin ummidon ke bais wo log bhi aksar ek arse baad kisi aam din ki tarah Dhal ke

na-ummidi ki lambi raat ban jate hain

in se behtar to wo log hote hain jo KHamosh shamon ki tarah

ummiden nahin magar sukun zarur dete hain

tum aae to the ek KHamosh sham ki tarah

lekin us raat ke baad main ne tum mein ek subh dekhni shurua kar di thi jaane kyun

shayad aaj bhi tum ek KHamosh sham hi ho

ye to main hun jo tum mein apni subh DhunDhne ki nakaam koshish mein hai

kyunki subhon jaise log bahut achchhe lagte hain na