suKHanwaran-e-ahd se KHitab

ai nukta-varān-e-suḳhan-ārā-o-suḳhan-sanj

ai naġhma-girān-e-chamnistān-e-ma.afī

maanā ki dil-afroz hai afsāna-e-azrā

maanā ki dil-āvez hai salmā kī kahānī

maanā ki agar chheḌ hasīnoñ se chalī jaa.e

kaT jā.egā is mashġhale meñ ahd-e-javānī

garmā.egā ye hamhama afsurda diloñ ko

baḌh jā.egī dariyā-e-tabī.at kī ravānī

maanā ki haiñ aap apne zamāne ke 'nazīrī'

maanā ki har ik aap meñ hai urfi-e-sānī

maanā kī hadīs-e-ḳhat-o-ruḳhsār ke aage

bekār hai mashshā.īyoñ kī falsafa-dānī

maanā ki yahī zulf o ḳhat-o-ḳhāl kī rūdād

hai māya-e-gul-kārī-e-aivān-e-ma.āfī

lekin kabhī is baat ko bhī aap ne sochā

ye aap kī taqvīm hai sadiyoñ kī purānī

ma.ashūq na.e bazm na.ī rañg nayā hai

paidā na.e ḳhāme hue haiñ aur na.e 'mānī'

mizhgāñ kī sināñ ke evaz ab suntī hai mahfil

kāñToñ kī kathā barhana-pā.ī kī zabānī

lazzat vo kahāñ la.al-e-lab-e-yār meñ hai aaj

jo de rahī hai peT ke bhūkoñ kī kahānī

badlā hai zamāna to badliye ravish apnī

jo qaum hai bedār ye hai us kī nishānī

ai ham-nafaso yaad rahe ḳhuub ye tum ko

bastī na.ī mashriq meñ hamīñ ko hai basānī

ai nukta-waran-e-suKHan-ara-o-suKHan-sanj

ai naghma-giran-e-chamnistan-e-mafi

mana ki dil-afroz hai afsana-e-azra

mana ki dil-awez hai salma ki kahani

mana ki agar chheD hasinon se chali jae

kaT jaega is mashghale mein ahd-e-jawani

garmaega ye hamhama afsurda dilon ko

baDh jaegi dariya-e-tabiat ki rawani

mana ki hain aap apne zamane ke 'naziri'

mana ki har ek aap mein hai urfi-e-sani

mana ki hadis-e-KHat-o-ruKHsar ke aage

bekar hai mashshaiyon ki falsafa-dani

mana ki yahi zulf o KHat-o-KHal ki rudad

hai maya-e-gul-kari-e-aiwan-e-maafi

lekin kabhi is baat ko bhi aap ne socha

ye aap ki taqwim hai sadiyon ki purani

mashuq nae bazm nai rang naya hai

paida nae KHame hue hain aur nae 'mani'

mizhgan ki sinan ke ewaz ab sunti hai mahfil

kanTon ki katha barhana-pai ki zabani

lazzat wo kahan lal-e-lab-e-yar mein hai aaj

jo de rahi hai peT ke bhukon ki kahani

badla hai zamana to badliye rawish apni

jo qaum hai bedar ye hai us ki nishani

ai ham-nafaso yaad rahe KHub ye tum ko

basti nai mashriq mein hamin ko hai basani