sukun

taḌap rahe haiñ jo tūfāñ mire ḳhayāloñ meñ

vo band-e-zabt-o-tahammul se aa na Takrā.eñ

ubhar rahī haiñ jo maujeñ shikast-e-armāñ kī

vo merā azm-e-musammam bahā na le jaa.eñ

dahan ḳhamosh zabāñ chup laboñ pe mohr-e-sukūt

mirī hayāt kā maqsad hai ġham pe ġham khā.eñ

ḳhalā meñ ghuur rahā huuñ nuqūsh-e-māzī ko

ye be-yaqīnī-e-fardā meñ gum na ho jaa.eñ

ḳhamoshiyoñ meñ yahāñ ek hashr barpā hai

kahāñ se DhūñD ke lamhāt-e-pur-sukūñ laa.eñ

jo apnī saarī umīdoñ kā ḳhuun ho jaa.e

qasam se dast-e-sitam ko sukūn ho jaa.e

taDap rahe hain jo tufan mere KHayalon mein

wo band-e-zabt-o-tahammul se aa na Takraen

ubhar rahi hain jo maujen shikast-e-arman ki

wo mera azm-e-musammam baha na le jaen

dahan KHamosh zaban chup labon pe mohr-e-sukut

meri hayat ka maqsad hai gham pe gham khaen

KHala mein ghur raha hun nuqush-e-mazi ko

ye be-yaqini-e-farda mein gum na ho jaen

KHamoshiyon mein yahan ek hashr barpa hai

kahan se DhunD ke lamhat-e-pur-sukun laen

jo apni sari umidon ka KHun ho jae

qasam se dast-e-sitam ko sukun ho jae