sukut

raat phailtī ga.ī hai

duur duur jañgaloñ meñ

rāsta TaToltī

havā kī saa.eñ saa.eñ

jaise saañs ruk rahī ho

os sogvār

zaar zaar ro rahī ho

lāla-zār meñ guloñ kī patiyāñ

bikhar ke raakh ho rahī huuñ

āḳhirī ummīd

TimTimā ke bujh ga.ī hai

vaqt bah chukā hai

tham gayā hai

saa.eñ saa.eñ ruk ga.ī hai

raat phailti gai hai

dur dur jangalon mein

rasta TaTolti

hawa ki saen saen

jaise sans ruk rahi ho

os sogwar

zar zar ro rahi ho

lala-zar mein gulon ki patiyan

bikhar ke rakh ho rahi hun

aaKHiri ummid

TimTima ke bujh gai hai

waqt bah chuka hai

tham gaya hai

saen saen ruk gai hai