sukut

so rahī thiiñ naddiyāñ aur jhuk ga.e the barg-o-bār

bujh gayā thā ḳhaak kī nabzoñ meñ hastī kā sharār

chāñdnī maddham sī thī dariyā kī lahreñ thiiñ ḳhamosh

be-ḳhudī kī bazm meñ TuuTe paḌe the sāz-e-hosh

bhīnī bhīnī bū-e-gul raqs-e-havā kuchh bhī na thā

sehn-e-gulshan meñ udāsī ke sivā kuchh bhī na thā

ik hijāb-e-tīragī thā dīda-e-bedār par

kuchh dhuāñ sā chhā rahā thā husn ke anvār par

is dhueñ meñ ruuh kī tābindagī khote hue

maiñ ne dekhā nau-e-insānī ko gum hote hue

so rahi thin naddiyan aur jhuk gae the barg-o-bar

bujh gaya tha KHak ki nabzon mein hasti ka sharar

chandni maddham si thi dariya ki lahren thin KHamosh

be-KHudi ki bazm mein TuTe paDe the saz-e-hosh

bhini bhini bu-e-gul raqs-e-hawa kuchh bhi na tha

sehn-e-gulshan mein udasi ke siwa kuchh bhi na tha

ek hijab-e-tiragi tha dida-e-bedar par

kuchh dhuan sa chha raha tha husn ke anwar par

is dhuen mein ruh ki tabindagi khote hue

main ne dekha nau-e-insani ko gum hote hue