suna hai chandni-raaton mein aksar tum

ḳhamoshī se dabe paañv

bharī mahfil se uThte ho

khule ākāsh ke nīche kahīñ par baiTh jaate ho

phir apnā haath haule se baḌhāte ho

chamakte chāñd kī jānib

kabhī to muskurāte ho kabhī kuchh gungunāte ho

jo 'mīr'-o-'dard' kī ġhazleñ kabhī ham ko sunāte the

vahī sargoshiyāñ mujh se jo aksar karte rahte the

havā ke dosh par baiThī kiran se karne lagte ho

sunā hai be-qarārī meñ

Tahalte ho kabhī chhat par

kabhī har aks meñ merā sarāpā DhūñDhte ho tum

havāoñ meñ mirī ḳhushbū kabhī mahsūs karte ho

kabhī be aas ho kar phir zamīñ par baiTh jaate ho

bahut fariyād karte ho

mujhe hī yaad karte ho

magar ye saarī bāteñ to mahz ḳhvāboñ kī bāteñ haiñ

khulī jab aañkh merī to nazāra aur hī dekhā

koī paiġhām aayā thā

hamāre naam aayā thā

likhā thā us meñ dekho nā

ki ab kī chāñd jo niklā

use nazdīk se dekhā

use mahsūs kar paayā

mukammal pā liyā us ko jo shah-rag meñ machaltā thā

mubārakbād to de do vo merā ho gayā ab kī

sunā hai chāñdnī-rātoñ meñ tum bhī so nahīñ paatī

tū ab kī chain se sonā ki ab maiñ bhī nahīñ jagtā

KHamoshi se dabe panw

bhari mahfil se uThte ho

khule aakash ke niche kahin par baiTh jate ho

phir apna hath haule se baDhate ho

chamakte chand ki jaanib

kabhi to muskuraate ho kabhi kuchh gungunate ho

jo 'mir'-o-'dard' ki ghazlen kabhi hum ko sunate the

wahi sargoshiyan mujh se jo aksar karte rahte the

hawa ke dosh par baiThi kiran se karne lagte ho

suna hai be-qarari mein

Tahalte ho kabhi chhat par

kabhi har aks mein mera sarapa DhunDhte ho tum

hawaon mein meri KHushbu kabhi mahsus karte ho

kabhi be aas ho kar phir zamin par baiTh jate ho

bahut fariyaad karte ho

mujhe hi yaad karte ho

magar ye sari baaten to mahz KHwabon ki baaten hain

khuli jab aankh meri to nazara aur hi dekha

koi paigham aaya tha

hamare nam aaya tha

likha tha us mein dekho na

ki ab ki chand jo nikla

use nazdik se dekha

use mahsus kar paya

mukammal pa liya us ko jo shah-rag mein machalta tha

mubarakbaad to de do wo mera ho gaya ab ki

suna hai chandni-raaton mein tum bhi so nahin pati

tu ab ki chain se sona ki ab main bhi nahin jagta