sunahri pinjra

ḳhuub hai ye chāñdī kā piñjrā

is meñ tū aa munnī sī chiḌiyā

pinjre meñ hai sone kī pyālī

is meñ tū khānā daana paanī

pahle khilā.uñgā tujh ko daana

khā.ūñgā phir maiñ apnā khānā

ThanDā paanī dūñgā tujh ko

ThanDī havā meñ rakhūñgā tujh ko

billī ke panjoñ se bachā kar

tujh ko Tāñgūñgā khūñTī par

chiḌiyā

sun ke ye bāteñ chiḌiyā bolī

karte ho bāteñ kaisī bholī

maiñ nahīñ is pinjre meñ aatī

qaid nahīñ ye mujh ko bhātī

haiñ sone kī pyālī se achchhe

dariyā nadī naale hamāre

pyaas hai mujh ko jis dam lagtī

paanī par huuñ aan utartī

piitī huuñ paanī aur nahātī

phur se huuñ maiñ phir uḌ jaatī

sone kī thālī meñ kyā hai

ḳhaak pe merā chogā ugā hai

paidā kiye haiñ khet ḳhudā ne

chugtī huuñ is se taaza daane

chāñdī ke pinjre se baḌh ke

mere liye haiñ chāñd aur taare

hai mirā allāh merā nigahbān

mujh ko bachātā hai vo har aan

ab rakh do pinjre ko Thikāne

jaatī huuñ maiñ chogā chugāne

KHub hai ye chandi ka pinjra

is mein tu aa munni si chiDiya

pinjre mein hai sone ki pyali

is mein tu khana dana pani

pahle khilaunga tujh ko dana

khaunga phir main apna khana

ThanDa pani dunga tujh ko

ThanDi hawa mein rakhunga tujh ko

billi ke panjon se bacha kar

tujh ko Tangunga khunTi par

chiDiya

sun ke ye baaten chiDiya boli

karte ho baaten kaisi bholi

main nahin is pinjre mein aati

qaid nahin ye mujh ko bhati

hain sone ki pyali se achchhe

dariya nadi nale hamare

pyas hai mujh ko jis dam lagti

pani par hun aan utarti

piti hun pani aur nahati

phur se hun main phir uD jati

sone ki thaali mein kya hai

KHak pe mera choga uga hai

paida kiye hain khet KHuda ne

chugti hun is se taza dane

chandi ke pinjre se baDh ke

mere liye hain chand aur tare

hai mera allah mera nigahban

mujh ko bachata hai wo har aan

ab rakh do pinjre ko Thikane

jati hun main choga chugane