suno na jaanan

ye log mujh ko batā rahe haiñ

hamārī āñkheñ bahut haiñ raushan

ye barq jaisī chamak rahīñ haiñ

ki jugnūñ kī taḌap rukī ho

hai be-qarārī ġhazāl jaisī

ḳhumār kī sī hai kaifiyat bhī

dhanak ke jitne bhī rañg hoñge

hamārī āñkhoñ meñ bas ga.e haiñ

magar ai jānāñ

unheñ batā.ūñ maiñ kis tarah se

ye jagmagātī ye jhilmilātī sī merī āñkheñ

ḳhumār se pur ġhazāl jaisī

tumhāre ḳhvāboñ ke rañg le kar

amiin haiñ kitne rat-jagoñ kī

ye surḳh āñkheñ

talāsh meñ jo bhaTak rahī haiñ

shuā.eñ rañgoñ kī chhaT rahī hai

suno na jānāñ

ye log mujh ko batā rahe haiñ

ki merī āñkheñ bahut hai raushan

ye log mujh ko bata rahe hain

hamari aankhen bahut hain raushan

ye barq jaisi chamak rahin hain

ki jugnun ki taDap ruki ho

hai be-qarari ghazal jaisi

KHumar ki si hai kaifiyat bhi

dhanak ke jitne bhi rang honge

hamari aankhon mein bas gae hain

magar ai jaanan

unhen bataun main kis tarah se

ye jagmagati ye jhilmilati si meri aankhen

KHumar se pur ghazal jaisi

tumhaare KHwabon ke rang le kar

amin hain kitne rat-jagon ki

ye surKH aankhen

talash mein jo bhaTak rahi hain

shuaen rangon ki chhaT rahi hai

suno na jaanan

ye log mujh ko bata rahe hain

ki meri aankhen bahut hai raushan