سنو سہیلی کہوں پہیلی
ہے جو کوئی بوجھے
سوچو سمجھو اور پھر پوچھو
اگر تمہیں نا سوجھے
سوچ سمجھ کر کہنا سننا
اپنا ایک اصول
پھولوں میں ہے سب سے پیارا
بھلا کون سا پھول
سوسن ٹیسو کمل موتیا
رات کی رانی چمپا
نہ نہ سورج مکھی چنبیلی
دن کا راجہ گیندا
ان کا کیا ہے مرجھائیں تو
خاک بنیں یا دھول
کپڑا بن کر جو تن ڈھانکے
وہ کپاس کا پھول
دیکھ بھال کر جانچ پرکھ کر
کہنا سچی بات
دھاتوں میں ہے بڑے کام کی
بھلا کون سی دھات
جس سے بنتی تھال کٹوری
گاگر پیتل تانبا
جھانجر جھومر جھمکا بن کے
جھمکے چاندی سونا
انجن موٹر اور مشینیں
جس نے کیں ایجاد
دھاتوں میں ہے سب سے اعلیٰ
لوہا اور فولاد
اندر باہر ایک رہے جو
کبھی نہ بدلے بھیس
دنیا بھر میں سب سے پیارا
بھلا کون سا دیس
پیار محبت امن شانتی
جس دھرتی کی شان
سب سے پیارا سب سے نیارا
اپنا ہندوستان
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
