suno

suno na jānāñ hasīñ huuñ lekin

maiñ sādgī ke tamām rañgoñ ko chāhtī huuñ

maiñ is badan se bahut hī nazdīk ek rūh-e-gudāz rakhtī huuñ jis kī ḳhātir

maiñ sañg hone ke ik safar pe ravāñ-davāñ huuñ

kabhī to is rāste meñ aao ġhubār dekho

maiñ jis ke parde se chhan rahī huuñ

mire badan se hazār lamhoñ pe ek lazzat jo muztarib hai

kabhī use āshkār dekho

maiñ tere lamsoñ ke vāste to nahīñ banī huuñ

asāsa terā huuñ vo asāsa

jo apnī qīmat nigāh-e-yūsuf se toltā hai

jo rūh-e-ādam se boltā hai

suno na jaanan hasin hun lekin

main sadgi ke tamam rangon ko chahti hun

main is badan se bahut hi nazdik ek ruh-e-gudaz rakhti hun jis ki KHatir

main sang hone ke ek safar pe rawan-dawan hun

kabhi to is raste mein aao ghubar dekho

main jis ke parde se chhan rahi hun

mere badan se hazar lamhon pe ek lazzat jo muztarib hai

kabhi use aashkar dekho

main tere lamson ke waste to nahin bani hun

asasa tera hun wo asasa

jo apni qimat nigah-e-yusuf se tolta hai

jo ruh-e-adam se bolta hai