surweillance

ghar se nikalte hī

merī piiTh se chipak jaatī haiñ do āñkheñ

galī paar karte karte biis āñkheñ

bas stop tak pahuñchte pahuñchte do sau āñkheñ

metro station kī sīḌhiyāñ chaḌhte chaḌhte do hazār āñkheñ

coach meñ apnī seat pakaḌte pakaḌte biis hazār āñkheñ

chipak jaatī haiñ mere puure badan se

aur maiñ dab jaatā huuñ hazāroñ āñkhoñ ke ek pyramid ke nīche

baḌī mushkil se ḳhud ko khaḌā karte hue

jhaTaktā huuñ maiñ apne sar aur donoñ hāthoñ ko

aur puure coach ke farsh par bikhar jaatī haiñ āñkheñ hī āñkheñ

ye chhoTī baḌī āñkhoñ kī chitkabrī machhliyāñ

apne tez nukīle Dañk liye baḌhtī haiñ merī taraf

aur maiñ bhāgtā huuñ musalsal pīchhe kī taraf

jaise sharp shōter ko dekh bhāgtā hai koī target

musalsal pīchhe kī taraf bhāgte hue maiñ māñgtā huuñ duā

āḳhirī coach kī dīvār tak pahuñchne se pahle

aa jaa.e koī station

khul jaa.e koī darvāza

aur maiñ jhaTke se kuud kar pā sakūñ najāt

magar station aane par

metro kā darvāza bhī ġhalat dishā meñ khul gayā hai

jidhar nazar kī had tak sirf ek lambā platform hai

jahāñ jagah jagah par chhoTī baḌī āñkheñ jaḌī huī haiñ

magar kuud jaane ke liye koī paTrī nahīñ hai

ghar se nikalte hi

meri piTh se chipak jati hain do aankhen

gali par karte karte bis aankhen

bas stop tak pahunchte pahunchte do sau aankhen

metro station ki siDhiyan chaDhte chaDhte do hazar aankhen

coach mein apni seat pakaDte pakaDte bis hazar aankhen

chipak jati hain mere pure badan se

aur main dab jata hun hazaron aankhon ke ek pyramid ke niche

baDi mushkil se KHud ko khaDa karte hue

jhaTakta hun main apne sar aur donon hathon ko

aur pure coach ke farsh par bikhar jati hain aankhen hi aankhen

ye chhoTi baDi aankhon ki chitkabri machhliyan

apne tez nukile Dank liye baDhti hain meri taraf

aur main bhagta hun musalsal pichhe ki taraf

jaise sharp shooter ko dekh bhagta hai koi target

musalsal pichhe ki taraf bhagte hue main mangta hun dua

aaKHiri coach ki diwar tak pahunchne se pahle

aa jae koi station

khul jae koi darwaza

aur main jhaTke se kud kar pa sakun najat

magar station aane par

metro ka darwaza bhi ghalat disha mein khul gaya hai

jidhar nazar ki had tak sirf ek lamba platform hai

jahan jagah jagah par chhoTi baDi aankhen jaDi hui hain

magar kud jaane ke liye koi paTri nahin hai