suraj humse Dar jaega

habs hai itnā

itnī ghuTan hai

garmī kī shiddat hai itnī

baḌe baḌe hālāt se lohā lene vaale yodhdhā

sūraj ke ātañk se Dar kar

apne apne gharoñ meñ yuuñ dubke baiThe haiñ

jaise kisī billī se Dar kar

chūhe biloñ meñ chhup jaate

aisī shiddat kī garmī meñ

jab bādal kā nanhā-munnā TukḌā koī

sāmne sūraj ke aatā hai

kaisā ThanDā ThanDā mausam ho jaatā hai

bādal ke ik chhoTe se TukḌe se

jab itnā māhaul badal saktā hai

socho ham sab mil kar

sūraj ke aage dīvār bane to kyā hogā

sūraj ham se Dar jā.egā

maare Dar ke

kisī guphā meñ chhup jā.egā

habs hai itna

itni ghuTan hai

garmi ki shiddat hai itni

baDe baDe haalat se loha lene wale yodhdha

suraj ke aatank se Dar kar

apne apne gharon mein yun dubke baiThe hain

jaise kisi billi se Dar kar

chuhe bilon mein chhup jate

aisi shiddat ki garmi mein

jab baadal ka nanha-munna TukDa koi

samne suraj ke aata hai

kaisa ThanDa ThanDa mausam ho jata hai

baadal ke ek chhoTe se TukDe se

jab itna mahaul badal sakta hai

socho hum sab mil kar

suraj ke aage diwar bane to kya hoga

suraj hum se Dar jaega

mare Dar ke

kisi gupha mein chhup jaega