سورج جاگا
ٹوٹیں ظلم کی قیدیں ٹوٹیں
پھوٹیں امن کی کرنیں پھوٹیں
لوٹیں دل نے خوشیاں لوٹیں
تارے سوئے سورج جاگا
بھاگا گھور اندھیرا بھاگا
سخت گھڑی جو تھی بیت گئی ہے
ہاری بازی جیت گئی ہے
خاک میں غم کی ریت گئی ہے
تارے سوئے سورج جاگا
بھاگا گھور اندھیرا بھاگا
آئے خوشی کے دن یوں وطن میں
پھولوں کی رت جیسے چمن میں
سوتی امنگیں جاگیں من میں
تارے سوئے سورج جاگا
بھاگا گھور اندھیرا بھاگا
گہری نیند سے جاگی دنیا
جاگی گنگا جاگی جمنا
دھرتی پر لہرایا پھریرا
تارے سوئے سورج جاگا
بھاگا گھور اندھیرا بھاگا
جاگے گرجا مسجد مندر
کھیت چمن مل مکتب دفتر
روشن ہیں سب چھوٹے بڑے گھر
تارے سوئے سورج جاگا
بھاگا گھور اندھیرا بھاگا
بچھڑے ساتھی ملنے لگے ہیں
چاک جگر کے سلنے لگے ہیں
دل کے غنچے کھلنے لگے ہیں
تارے سوئے سورج جاگا
بھاگا گھور اندھیرا بھاگا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
