suraj ki pahli kiran

sun ai havā-e-be-dilī

abhī to chashm-e-tar meñ un kī sūrateñ

ravāñ-davāñ haiñ jin ke saañs kī mahak

meñ jā chukī bahār kā nikhār hai

ki jin ke ḳhvāb kī chamak palak palak

bikhartī aarzū meñ pā.edār hai

abhī to un kī ḳhaak ko zamīn bhī nahīñ milī

sun ai havā-e-be-dilī

agarche is dayār meñ har-ek-sū

ka.ī rutoñ kī gum-shuda bahār kā fishār hai

ġhubār-e-intizār hai

magar ye zard ghāTiyāñ ye kārvān-e-be-nishāñ

safar kī intihā nahīñ

dhuāñ dhuāñ haiñ jism-o-jāñ magar zabāñ hai gul-fishāñ

ki dil abhī mirā nahīñ

nazar meñ hai vo fasl-e-gul jo ab talak nahīñ khilī

sun ai havā-e-be-dilī

hameñ usī zamīn se rifāqat-e-yaqīn hai

milegī kisht-e-ārzū

ki raushnī kī justujū meñ raushnī kā raaz hai

hamāre ird-gird kī har ek shai savāl hai

un uñgliyoñ kī por por sāhab-e-kamāl hai

alvidā.a alvidā.a ai be-dilī

ki ye hamārī dostī kā nuqta-e-zavāl hai

sun ai hawa-e-be-dili

abhi to chashm-e-tar mein un ki suraten

rawan-dawan hain jin ke sans ki mahak

mein ja chuki bahaar ka nikhaar hai

ki jin ke KHwab ki chamak palak palak

bikharti aarzu mein paedar hai

abhi to un ki KHak ko zamin bhi nahin mili

sun ai hawa-e-be-dili

agarche is dayar mein har-ek-su

kai ruton ki gum-shuda bahaar ka fishaar hai

ghubar-e-intizar hai

magar ye zard ghaTiyan ye karwan-e-be-nishan

safar ki intiha nahin

dhuan dhuan hain jism-o-jaan magar zaban hai gul-fishan

ki dil abhi mera nahin

nazar mein hai wo fasl-e-gul jo ab talak nahin khili

sun ai hawa-e-be-dili

hamein usi zamin se rifaqat-e-yaqin hai

milegi kisht-e-arzu

ki raushni ki justuju mein raushni ka raaz hai

hamare ird-gird ki har ek shai sawal hai

un ungliyon ki por por sahab-e-kamal hai

alwidaa alwidaa ai be-dili

ki ye hamari dosti ka nuqta-e-zawal hai