taaqub
shab-o-roz
jaane mujhe kyuuñ ye ehsās hai
koī mere ta.āqub meñ baḌhtā chalā aa rahā hai
maiñ ḳhud hī in bhārī qadmoñ kī āvāz ke bojh
se dab rahā huuñ
ki maiñ apne hī dast-o-bāzū meñ ab lamha lamha simaTne lagā huuñ!
maiñ ab ḳhud hī meñ zarra zarra bikharne lagā huuñ!
meñ ab apnī hamsā.egī se bhī Darne lagā huuñ!
meñ shāyad! ḳhud apnī sadā ke ta.āqub meñ chalne lagā huuñ
ki
tashkīk aur lā-yaqīnī
ke dhuñdle manāzir liye aañkh meñ
aap apne lahū ke dahakte jahannam meñ
jalne lagā huuñ!
mire hāfize meñ ta.āqub kī koī bhayānak kahānī hai
mahfūz shāyad!
shab-o-roz
jaane mujhe kyun ye ehsas hai
koi mere taaqub mein baDhta chala aa raha hai
main KHud hi in bhaari qadmon ki aawaz ke bojh
se dab raha hun
ki main apne hi dast-o-bazu mein ab lamha lamha simaTne laga hun!
main ab KHud hi mein zarra zarra bikharne laga hun!
mein ab apni hamsaegi se bhi Darne laga hun!
mein shayad! KHud apni sada ke taaqub mein chalne laga hun
ki
tashkik aur la-yaqini
ke dhundle manazir liye aankh mein
aap apne lahu ke dahakte jahannam mein
jalne laga hun!
mere hafize mein taaqub ki koi bhayanak kahani hai
mahfuz shayad!
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
