taaruf

ye maiñ huuñ maiñ

jaise aap aap haiñ

maiñ paidā hote hī uljhan meñ huuñ

agar maiñ ishq huuñ to fanā kyuuñ nahīñ ho jaatī

maiñ samundar kī betāb lahr huuñ to bah kyuuñ nahīñ jaatī

maiñ raqs-e-junūñ meñ huuñ to dīvāngī sar kyuuñ nahīñ chaḌhtī

bechain ruuh huuñ to jism se najāt kyuuñ nahīñ paatī

maiñ Dartī huuñ insānī ashkāl meñ ghūmte bheḌiyoñ se

maiñ nafrat kī aag meñ jale hue diloñ se ḳhauf khātī huuñ

mujhe sahrā se Dar lagtā hai

vīrānoñ se bhaag aa.ī huuñ

ziist kī tamām-tar rañgīniyoñ aur un kī haqīqatoñ se āgāhī hai

hujūm-e-dostāñ ke surūr meñ bachkāna kā.enāt banātī huuñ

kabhī ā.īna-rū nazar aatī huuñ

kabhī hañstī huuñ ḳhud apnī nādānī par

kabhī be-sabab udaas bahut hotī huuñ

kabhī sochtī be-tahāshā huuñ

kabhī likhtī huuñ aise ki har lafz ruuh kā dard ugal detā hai

aur kabhī tamām ke tamām alfāz kho jaate haiñ

banāvaT aur dikhāve un ko nigal jaate haiñ

maiñ kabhī banjar huuñ aur kabhī janm ko janm detī huuñ

maiñ jazboñ ḳhvāboñ aur duāoñ ko bahut sambhāl ke rakhtī huuñ

aur un se dhāge le kar ḳhud ko buntī huuñ

maiñ raushnī nahīñ magar maiñ tārīkī bhī nahīñ

ek shaam kā sā malgajā huuñ kabhī

to kabhī din kā dhuñdlakā huuñ

aisī bahtī huī nadī huuñ

jis ke kināre ka.ī giit

ka.ī naġhme madhur tānoñ meñ lipTe utarte haiñ

maiñ zindagī ke samundar kī tamām lahroñ ko chhūtī huuñ

aur motī motī kahāniyoñ meñ tonic detī huuñ

sachche salmā aur rupahle goTe kī tarah

maiñ ḳhvāb jiitī huuñ

maiñ haqīqat ko painT kartī huuñ ki maiñ haqīqat huuñ

apne ird-gard har achchhī burī haqīqat kā hissa huuñ

maiñ sar-tā-pā mom huuñ

har aam aurat kī tarah mujhe jo banā do maiñ bin jaatī huuñ

har māhaul meñ Dhal jaatī huuñ

mujhe burā samjhā jaa.e to bhī achchhā

aur achchhā samjhā jaa.e to bhī kyā burā

!!!

ye maiñ huuñ maiñ

ye main hun main

jaise aap aap hain

main paida hote hi uljhan mein hun

agar main ishq hun to fana kyun nahin ho jati

main samundar ki betab lahr hun to bah kyun nahin jati

main raqs-e-junun mein hun to diwangi sar kyun nahin chaDhti

bechain ruh hun to jism se najat kyun nahin pati

main Darti hun insani ashkal mein ghumte bheDiyon se

main nafrat ki aag mein jale hue dilon se KHauf khati hun

mujhe sahra se Dar lagta hai

viranon se bhag aai hun

zist ki tamam-tar ranginiyon aur un ki haqiqaton se aagahi hai

hujum-e-dostan ke surur mein bachkana kaenat banati hun

kabhi aaina-ru nazar aati hun

kabhi hansti hun KHud apni nadani par

kabhi be-sabab udas bahut hoti hun

kabhi sochti be-tahasha hun

kabhi likhti hun aise ki har lafz ruh ka dard ugal deta hai

aur kabhi tamam ke tamam alfaz kho jate hain

banawaT aur dikhawe un ko nigal jate hain

main kabhi banjar hun aur kabhi janm ko janm deti hun

main jazbon KHwabon aur duaon ko bahut sambhaal ke rakhti hun

aur un se dhage le kar KHud ko bunti hun

main raushni nahin magar main tariki bhi nahin

ek sham ka sa malgaja hun kabhi

to kabhi din ka dhundlaka hun

aisi bahti hui nadi hun

jis ke kinare kai git

kai naghme madhur tanon mein lipTe utarte hain

main zindagi ke samundar ki tamam lahron ko chhuti hun

aur moti moti kahaniyon mein tonic deti hun

sachche salma aur rupahle goTe ki tarah

main KHwab jiti hun

main haqiqat ko painT karti hun ki main haqiqat hun

apne ird-gard har achchhi buri haqiqat ka hissa hun

main sar-ta-pa mom hun

har aam aurat ki tarah mujhe jo bana do main bin jati hun

har mahaul mein Dhal jati hun

mujhe bura samjha jae to bhi achchha

aur achchha samjha jae to bhi kya bura

!!!

ye main hun main