tabir

an-ginat kahkashāoñ ke jhurmuT ne be-intihā dā.ere bun diye

aur pātāl meñ jazb rañgoñ ne ugle ka.ī halhale

apne tābūt meñ ḳhud se haibat-zada jabr kī zindagānī meñ jiitā rahā

yuuñ jamāl-e-sahar zard sūraj ke hāthoñ meñ girvī rahā

kasmasāte badan ke junūbī taraf tāziyānoñ kī barsāt jaarī rahī aur shumālī taraf sañg-bārī se udhḌī huī khaal par

zindagī kī ye tamsīl likkhī ga.ī maiñ to bas vaqt kī jail meñ qaid thā

aur tasavvur meñ thī lahlahātī huī ḳhushnumā zindagī

ya.anī shandūr kī bhurnhurī ghaas pe baiTh ke match polo ke dekhā karūñ

aur qahva kī chuskī lagāte hoī sartre ko paḌhūñ

qahqahoñ ke tamavvuj meñ raqsāñ raheñ nutq-e-taḳhlīq ke be-karāñ zamzame

par tasavvur to āḳhir tasavvur hī hai

dam-ba-dam phailte raqs karte ḳhayālāt ke silsile saath chalte hue yak-ba-yak ruk ga.e

chār-sū goyā phir ek dīvār thī

saañs lene kī koshish bhī be-kār thī

an-ginat kahkashaon ke jhurmuT ne be-intiha daere bun diye

aur patal mein jazb rangon ne ugle kai halhale

apne tabut mein KHud se haibat-zada jabr ki zindagani mein jita raha

yun jamal-e-sahar zard suraj ke hathon mein girwi raha

kasmasate badan ke junubi taraf taziyanon ki barsat jari rahi aur shumali taraf sang-bari se udhDi hui khaal par

zindagi ki ye tamsil likkhi gai main to bas waqt ki jail mein qaid tha

aur tasawwur mein thi lahlahati hui KHushnuma zindagi

yani shandur ki bhurnhuri ghas pe baiTh ke match polo ke dekha karun

aur qahwa ki chuski lagate hoi sartre ko paDhun

qahqahon ke tamawwuj mein raqsan rahen nutq-e-taKHliq ke be-karan zamzame

par tasawwur to aaKHir tasawwur hi hai

dam-ba-dam phailte raqs karte KHayalat ke silsile sath chalte hue yak-ba-yak ruk gae

chaar-su goya phir ek diwar thi

sans lene ki koshish bhi be-kar thi